सांझा करो
Views
  • राज्य Open for Edit

भारत इंटरफेस फार मनी-भीम

इस हिस्से च भारत इंटरफेस फार मनी-भीम दी जानकारी दित्ती गेदी ऐ।

भारत इंटरफेस फार मनी (भीम) अपने मोबाइल फोन दे राहें तेज, सुरक्षत, भरोसेमंद कैशलेस भुगतान समर्थ करने दी क पैह्​ल ऐ। भीम एकीकृत भुगतान इंटरफेस (UPI) सिद्धे बैंक राहें ई-भुगतान स्हूलत पर अधारत ऐ। एह् होर एकीकृत भुगतान इंटरफेस (UPI) ऐपलीकेशनें, ते बैंक खातें कन्नै जुड़े दा ऐ। एकीकृत भुगतान इंटरफेस (UPI) आईएमपीएस दे बुनियादी ढांचे पर अधारत फौरी भुगतान प्रणाली ऐ ते तुसेंगी तुर्त कुसै बी दो पक्खें दे बैंक खातें बश्कार रकम हस्तांतरण करने दी इजाजत दिंदी ऐ। भीम राश्ट्री भुगतान निगम(एनपीसीआई) आसेआ विकसत कीता गेदा ऐ।

भीम दी बरतून करने लेई लोड़चदियां गल्लां:

  • इंटरनेट कन्नै स्मार्टफोन।
  • भारती बैंक खाता।
  • थुआढ़ा मोबाइल नंबर थुआढ़े बैंक खाते कन्नै जुड़े दा होना चाहिदा ऐ। इसदे लेई अपने बैंक कन्नै रावता करो।
  • थुआढ़े खाते च UPI सक्रिय होना चाहिदा ऐ जां थुआढ़े कोल इक डेबिट कार्ड होना जरुरी ऐ।
  • थुआढ़ा बैंक UPI गी स्पोर्ट करदा ऐ इसी जानने लेई इत्थै क्लिक करो।
  • भारत इंटरफेस फार मनी ऐप (एंड्रायड फोन लेई) डाउनलोड करो।

उपलब्ध सेवां:

  • भारत इंटरफेस फार मनी राहें तुस हेठ दित्ते ढंगें कन्नै लेनदेन करी सकदे ओ
  • पैहा भेजने दे पते पर पैहे लेई अनुरोध करना जां भेजना
  • आधार नंबर गी पैहा भेजना
  • <मोबाइल नंबर गी पैहा भेजना जां अनुरोध करना/li>
  • एमएमआईडी, मोबाइल नंबर थमां पैहे भेजना
  • आईएफएससी कोड, खाता संख्या कन्नै पैहे भेजना
  • इसदे अलावा, बपारी भुगतान लेई स्कैन जां पेऽ विकल्प दी बरतून करी सकदे न

भीम ऐपलीकेशन दी बरतून करने दी पूरी प्रक्रिया

  1. भारत इंटरफेस फार मनी ऐप(एंड्रायड फोन लेई) डाउनलोड करो। इसलै भीम ऐपलीकेशन एंड्रायड पर गै (संस्करण 4.1.1 ते श्रेश्ठ) उपलब्ध ऐ। एह् बड़ी गै तौले होर प्लेटफार्में पर बी उपलब्ध करोआया जाग। इसलै एह् हिन्दी ते अंगरेजी भाशाएं च कम्म करदा ऐ ते औने आह्​ले दिनें च होर भशाएं गी बी जोड़ेआ जाग।
  2. मोबाइल नंबर प्रमाणन-थुआढ़ा मोबाइल नंबर बैंक खाते कन्नै जुड़ा होने दी तस्दीक करने लेई, भीम ऐपलीकेशन थुआढ़े मोबाइल नंबर पर SMS भेजदा ऐ। फोन पर एसएमएस हासल करने लेई ऐप पर इजाजत मिलदी ऐ।
  3. अपना UPI-पिन (UPI निजी पंछान संख्या) सेट करो-एह् क 4-6 अंकें आह्​ला गुप्त कोड ऐ जेह् ड़ा इस ऐप च रजिस्ट्रेशन दरान सेट/क्रियेट होंदा ऐ। तुसेंगी सबूरे बैंकिंग लेनदेन गी प्रमाणत करने लेई एह् UPI-पिन दर्ज करना होंदा ऐ। तुस मैन मैन्यू-बैंक खाता-सेट UPI-पिन चुने गेदे खाते लेई UPI पिन सेट करी सकदे ओ। मन्याद खत्म होने दी तरीक कन्नै अपने डेबिट/एटीएम कार्ड दे खीरले 6 अंक दर्ज करने लेई आखेआ जाग। तुसेंगी क ओटीपी हासल होने पर अपना UPI पिन सेट करना होग। जेकर थुआढ़े कोल पैह्​ले थमां गै होर UPI ऐपें च UPI-पिन सेट कीता गेदा ऐ तां उसदी बरतून बी तुस भीम पर करी सकदे ओ।
    • नोट-बैंक UPI UPI-पिन कन्नै बक्ख एमपिन जारी करदे न, भारत इंटरफ़ेस फार मनी ऐप च क नमां UPI-पिन बनाओ)
    • नोट- किरपा करियै अपना UPI-पिन कुसै कन्नै बी सांझा नेईं करो। भारत इंटरफेस फार मनी थुआढ़े UPI-पिन ब्यौरे गी चेता जां स्टोर नेईं करदा ऐ ते अपने बैंक ग्राहक मदाद आह्​ले कदें बी इसदे बारे च जानकारी हासल नेईं करदे न।
  4. अपने पेमेंट पते गी सेट करो- पेमेंट पता बैंक खाते दी पंछान आह्​ला पता होंदा ऐ। मसाल दे तौर पर, भारत इंटरफेस फार मनी लेई पैमेंट पता इस प्रारूप xyz @ UPI च होंदा ऐ। तुसेंगी सिर्फ अपने पेमेंट पते गी कुसै बी पेमेंट हासल करने आह्​ले कन्नै सांझा करना ऐ(बैंक खाता संख्या/आईएफएससी कोड, बगैरा दी लोड़ नेईं ऐ) तुस बी अपने भुगतान पते दी बरतून करियै कुसै गी बी पैहे भेजी सकदे ओ। प्रोफ़ाइल सेक्शन च जाइयै बाद्धू भुगतान पते कन्नै तुस अपना पता जोड़ी सकदे ओ। क बार थुआढ़ा VPA होई जंदा ऐ, अदूं तुस भेजने, क्यूआर कोड स्कैन राहें भुगतान जनेह् विकल्प पैहे भेजने जां हासल करने लेई दिक्खी पागेओ।

रकम हस्तांतरण करने लेई

तुस अपने UPI समर्थ बैंक खाते कन्नै भीम ऐपलीकेशन दी बरतून पैहा भेजने च करी सकदे ओ। जेकर थुआढ़े लाभार्थी दा बैंक खाता बी UPI कन्नै जुड़े दा ऐ, तां तुस हस्तांतरण लेई उसदे मोबाइल नंबर जां मोबाइल भुगतान पते दी बरतून करी सकदे ओ। जेकर नेईं, तां तुस आईएफएससी कोड, बैंक खाता जां एमएमआईडी ते मोबाइल नंबर दी बरतून पैहा भेजने लेई करी सकदे ओ।

अपनाई जाने आह्​ली प्रक्रिया

भीम मनी ऐप होम स्क्रीन कन्नै

  • पैहे भेजो विकल्प पर क्लिक करो।
  • हासल करने आह्​ले दा मोबाइल नंबर जां चुनिंदा भुगतान पता जां आधार संख्या दर्ज करो (तुस अपनी रावता सूची थमां चुनी सकदे ओ जां इसी दर्ज करी सकदे ओ)
  • भेजी जाने आह्​ली रकम दर्ज करो
    भेजी जाने आह्​ली रकम दर्ज करो
  • UPI पिन दर्ज करो ते भेजो

विकल्पी रूप कन्नै, तुस क्यूआर कोड स्कैन ते 'स्कैन एंड पेऽ' विकल्प राहें भुगतान करी सकदे ओ।

क बार जदूं तुस क हंस्तातरण पूरा करदे ओ तां तुस भारत इंटरफेस फार स्क्रीन पर सफल स्थिति गी दिक्खी सकदे ओ ते तुसेंगी बैंक थमां क एसएमएस हासल होग। जेकर आपरेटर कुसै वजह कन्नै मता समां लैंदा ऐ जां तुसेंगी स्हेई स्थिति दी सूचना क घैंटे च नेईं मिलदी ऐ तां तुस अपने बैंक दे ग्राहक मदाद कन्नै रावता करो।

अपने सब्भै पैह्​ले दे ते लंबित लेनदेन गी दिक्खने लेई, होम स्क्रीन पर जाओ -> लेनदेन इतिहास।

पैहे मांगने लेई

भीम मनी ऐप होम स्क्रीन कन्नै

  • मंगे गेदे पैहें गी चुनो
  • हासल करने आह्​ले दा मोबाइल नंबर जां चोनमां भुगतान पता जां आधार संख्या दर्ज करो (तुस अपनी रावता सूची थमां चुनी सकदे ओ जां इसी दर्ज करी सकदे ओ)
  • मंगे गेदे पैहे दर्ज करो
  • भेजो पर क्लिक करो

भुगतान हासल होने तगर एह् हस्तांतरण लंबित रौह्​ग। पैहे स्थानांतरित होने पर तुस सूचत होई जागेओ। तुस अपने क्यूआर कोड सांझा राहें बी पैहें दी मंग करी सकदे ओ। होम स्क्रीन पर जाओ>प्रोफाइल->क्यूआर कोड हासल करने लेई खाता चुनो।

भीम ऐपलीकेशन पर पुच्छे जाने आह्​ले सोआल

भीम ऐपलीकेशन पर पुच्छे जाने आह्​ले सोआलें गी दिक्खने लेई इत्थै क्लिक करो।

स्रोत: एनपीसीआई

2.94736842105
अपनी राऽ देओ

उप्पर दित्ते गेदे बिशे च जेकर तुंदी कोई प्रतिक्रिया/ राऽ ऐ तां किरपा करियै इत्थे पोस्ट करी लैओ

Enter the word
Back to top