घर / ई-शासनम् / सूचना दा अधिकार / आवेदन दी प्रक्रिया
सांझा करो
Views
  • राज्य Open for Edit

आवेदन दी प्रक्रिया

एह् खंड लोकें गी सूचना दे अधिकार तैह्​त सूचना हासल करने दी प्रक्रिया दसदा ऐ।

सूचना दा अधिकार-इक परिचे

सूचना दा अधिकार अधिनियम, 2005 अपने सफर च केईं उपलब्धियां हासल करी चुके दा ऐ। नागरिकें गी नां सिर्फ म्हत्वपूर्ण सूचनां हासल होआ करदियां न बल्के एह् सूचना केईं बार सिर्फ सूचनाएं तगर गै नेईं सीमित होइयै अपनी उपयोगिता केईं संदर्भें च सिद्ध करदी ऐ। केंदर राज्य स्तर पर सभनें विभागें च सूचना दा अधिकार लागू करी दित्ता गेआ ऐ ते इसलेई विभाग थमां लेइयै दफ्तरें च सूचना दी उपलब्धता गी जकीनी करने लेई रूज्झे दे कर्मचारियें गी लोक सूचना अधिकारी दे रुप च नियुक्त कीता गेआ ऐ। सूचना दी अन-उपलब्धता दी स्थिति च पैह्​ला अपीली अधिकारी, दुई अपील कन्नै किश विशेश स्थितियें च सिद्धे तौर पर आयोग च बी अपील कीती जाई सकदी ऐ। केईं राज्यें सूचना दे अधिकार च लोकें दी मदाद लेई सूचना ते प्रौद्योगिकी दी बरतून करदे होई पूरी चाल्ली कन्नै समर्पत आरटीआई दी वेबसाईट दा निर्माण कीता ऐ ते आवेदन करने ते उसी जमा करने लेई आनलाईन दा विकल्प बी उपलब्ध करोआया ऐ। किश राज्यें टोल फ्री नंबर दी सेवा बी शुरू कीती ऐ।

सूचना दा अधिकार-संविधानिक प्रावधान

सूचना दे अधिकार दा दर्ज़ा ते इसदी बरतून इस गल्लै कन्नै सिद्ध होंदी ऐ जे संविधान च इसी मूलभूत अधिकार दा दर्ज़ा दित्ता गेआ ऐ। आरटीआई दा अर्थ ऐ सूचना दा अधिकार ते इसी संविधान दी धारा 19 (1) दे तैह्​त इक मूलभूत अधिकार दा दर्जा दित्ता गेआ ऐ। धारा 19 (1), जिसदे तैह्​त हर इक नागरक गी बोलने ते अभिव्यक्ति दी अजादी दित्ती गेई ऐ ते उसी एह् जानने दा अधिकार ऐ जे सरकार कि’यां कम्म करदी ऐ, इसदी केह् भूमका ऐ, इसदे केह्​ड़े कम्म न बगैरा। सूचना दा अधिकार अधिनियम हर इक नागरक गी सरकार थमां सोआल पुच्छने दी अधिकार दिंदा ऐ ते इस च टिप्पणियां, सारांश ते दस्तावेजें जां अभिलेखें दियां प्रमाणत प्रतियां जां समग्गरी दे प्रमाणत नमूनें दी मंग कीती जाई सकदी ऐ।

आरटीआई अधिनियम पूरे भारत च लागू ऐ (जम्मू ते कश्मीर राज्य दे अलावा) जिस च सरकार दी अधिसूचना दे तैह्​त औने आह्​ले सब्भै निकाय शामल न जिस च ऐसे गैर सरकारी संगठन बी शामल न जिंदा मालकाना, नियंत्रण ते आंशिक निधिकरण सरकार आसेआ कीता गेआ ऐ।

शकैत कदूं कीती जा

इस अधिनियम दे प्रावधान 18 (1) दे तैह्​त एह् केंदरी सूचना आयोग जां राज्य सूचना आयोग दा कर्तब्ब ऐ, जनेहा बी मामला होए, जे ओह् इक माह्​नू थमां शकैत हासल करन ते पुच्छ-गिच्छ करन।

  • जेह्​ड़े केंदरी सूचना लोक अधिकारी जां राज्य सूचना लोक अधिकारी कोल अपना अनुरोध जमा करोआने च सफल नेईं होंदे, जनेहा बी मामला होए, इसदा कारण किश बी होई सकदा ऐ जे उक्त अधिकारी जां केंदरी स्हायक लोक सूचना अधि‍कारी जां राज्य स्हायक लोक सूचना अधिकारी, इस अधिनियम तैह्​त नियुक्त कीता गेआ होए जनेहा बी मामला होए, ने इस अधिनियम तैह्​त फारवर्ड करने लेई कोई सूचना जां अपील लेई उसदे आवेदन गी मंजूर करने थमां मना करी दित्ता होए जिसी ओह् केंदरी लोक सूचना अधिकारी जां राज्य‍ लोक सूचना अधिकारी जां धारा 19 दी उपधारा (1) च निर्दिश्ट राज्य लोक सूचना अधिकारी कोल नेईं भेजै जां केंदरी सूचना आयोग ते राज्य सूचना आयोग च फारवर्ड नेईं करै,जनेहा बी मामला होए।
  • जिसी इस अधिनियम दे तैह्​त कुसै जानकारी तगर पौंह्​च देने थमां मना करी दित्ता गेआ होए। ऐसा माह्​नू जिसी इस अधिनियम तैह्​त निर्दिश्ट समें सीमा अंदर सूचना लेई अनुरोध जां सूचना तगर पौंह्​च दे अनुरोध दा परता नेईं दित्ता गेआ होए।
  • जिसी फीस भुगतान करने दी लोड़ होए, जिसी ओह् नां-मनासब मन्नदा/मन्नदी ऐ।
  • जिसी जकीन ऐ जे उसी इस अधिनियम तैह्​त अपूर्ण, गल्त जां झूठी जानकारी दित्ती गेई ऐ।
  • इस अधिनियम दे तैह्​त रिकार्ड तगर पौंह्​च हासल करने जां अनुरोध करने कन्नै सरबंधत कुसै मामले दे विशे च।

सूचना हासल करने दी प्रक्रिया

  1. तुस सूचना दे अधिकार अधिनियम- 2005 दे अंतर्गत कुसै लोक प्राधिकरण (सरकारी संगठन जां सरकारी मदाद हासल गैर सरकारी संगठनें) थमां सूचना हासल करी सकदे ओ।
  2. आवेदन हत्थ-लिखत जां टाइप कीता होना चाहिदा। आवेदन पत्तर विकासपीडिया पोर्टल थमां बी डाउनलोड कीता जाई सकदा ऐ। आवेदन पत्तर डाउनलोड संदर्भत राज्य दी वेबसाईट थमां हासल करो
  3. आवेदन अंगरेजी, हिन्दी जां होर प्रादेशक भाशाएं च लिखे दा होना चाहिदा।
  4. अपने आवेदन च एह्​कड़ियां सूचनां देओ:

    • स्हायक लोक सूचना अधिकारी/लोक सूचना अधिकारी दा नांऽ ते उसदा दफ्तरी पता,
    • विशे: सूचना दा अधिकार अधिनियम- 2005 दी धारा 6(1) दे अंतर्गत आवेदन
    • सूचना दा ब्योरा, जिसी तुस लोक प्राधिकरण थमां हासल करना चांह्​दे ओ,
    • आवेदनकर्त्ता दा नांऽ,
    • पिता/पति दा नांऽ,
    • वर्ग- अनुसूचित जाति/अनुसूचित जनजाति/होर पिछड़ी जाति
    • आवेदन फीस
    • मोबाइल नंबर ते ई-मेल पता (मोबाइल ते ई-मेल पता देना लोड़चदा नेईं)
    • चिट्ठी-पत्तर लेई डाक पता
    • थाह्​र ते तरीक
    • आवेदनकर्त्ता दे दस्तखत
    • नत्थी कागजें दी सूची
  5. आवेदन जमा करने थमां पैह्​ले लोक सूचना अधिकारी दा नांऽ, फीस, उसदी भुगतान प्रक्रिया बगैरा दे बारे च जानकारी हासल करी लैओ।
  6. सूचना दे अधिकार अधिनियम दे अंतर्गत सूचना हासल करने लेई आवेदन पत्र कन्नै फीस भुगतान दा बी प्रावधान ऐ। पर अनुसूचित जाति/अनुसूचित जनजाति जां गरीबी रेखा थमां ख’ल्ल परिवार दे सदस्यें गी फीस नेईं जमा करने दी छूट हासल ऐ।
  7. जेह्​ड़े माह्​नू फीस च छूट हासल करना चांह्​दे होन उ’नेंगी अनुसूचित जाति/अनुसूचित जनजाति/बीपीएल सार्टिफिकेट दी नकल कापी जमा करोआनी होग।
  8. आवेदन हत्थें, डाक जां ई-मेल राहें भेजेआ जाई सकदा ऐ।
  9. जेकर तुस आवेदन डाक राहें भेजै करदे ओ तां उसलेई सिर्फ पंजीकृत (रजिस्टर्ड) डाक सेवा दी गै बरतून करो। कूरियर सेवा दी बरतून कदें बी नेईं करो।
  10. आवेदन ई-मेल राहें भेजने दी स्थिति च जरूरी दस्तावेज दी स्कैन कापी अटैच करियै भेजी सकदे ओ। पर फीस जमा करने लेई तुसेंगी सरबंधत लोक प्राधिकारी दे दफ्तर जाना पौग। ऐसी स्थिति च फीस भुगतान करने दी तरीक थमां गै सूचना आपूर्ति दे समें दी गिनती कीती जंदी ऐ।
  11. अग्गै बरतून लेई आवेदन पत्र (अर्थात् मुक्ख आवेदन पत्तर, आवेदन फीस दा सबूत, आपूं जां डाक राहें जमा कीते गेदे आवेदन दी रसीद) दियां 2 फोटो कापियां बनाओ ते उसी सुरक्षत रक्खो।
  12. जेकर अपना आवेदन आपूं लोक प्राधिकारी दे दफ्तर जाइयै जमा करोआ करदे ओ, तां दफ्तर थमां रसीद जरूरी हासल करो जिस पर हासल करने दी तरीक ते मोह्​र साफ ढंगै कन्नै लब्भै करदी होए। जेकर आवेदन रजिस्टर्ड डाक राहें भेजै करदे ओ तां पोस्ट आफिस थमां हासल रसीद जरूरी हासल करो ते उसी संभियै रक्खो।
  13. सूचना आपूर्ति दे समें दी गिनती लोक सूचना अधिकारी आसेआ हासल आवेदन दी तरीक थमां शुरू होंदी ऐ।

चेता रक्खने जोग किश गल्लां

क्रम संख्या स्थिति सूचना आपूर्ति दी समें-सीमा

  • सामान्य स्थिति च सूचना दी आपूर्ति 30 दिन
  • जदूं सूचना माह्​नू दे जीवन जां अजादी कन्नै सरबंधत होए, अदूं सूचना दी आपूर्ति 48 घैंटे
  • जदूं आवेदन स्हायक लोक सूचना अधिकारी राहें हासल होंदा ऐ, ऐसी स्थिति च सूचना दी आपूर्त्ति उपर्युक्त दोनें स्थितियें च 05 दिनें दा समां जोड़ी दित्ता जाह्​ग।

स्रोत:rti.gov.in

सरबंधत स्रोत

  1. कनून मंत्रालय,भारत सरकार।
2.625
अपनी राऽ देओ

उप्पर दित्ते गेदे बिशे च जेकर तुंदी कोई प्रतिक्रिया/ राऽ ऐ तां किरपा करियै इत्थे पोस्ट करी लैओ

Enter the word
Back to top