घर / पढ़ाई / बाल जगत / राश्ट्री छात्रवृत्तियां ते इनाम
सांझा करो
Views
  • राज्य Open for Edit

राश्ट्री छात्रवृत्तियां ते इनाम

एह् खंड शिक्षा च बाल प्रतिभा दी हौसला-हफजाई करने लेई राश्ट्री छात्रवृति ते इनाम दी जानकारी दिंदा ऐ।

राश्ट्री शैक्षणिक अनुसंधान ते प्रशिक्षण परिशद् (एनसीइआरटी) मात्रात्मक ते गुणात्मक शैक्षणिक विकास दी हौसला-हफजाई करदी ऐ ते असमानता दूर करने ते सभनें विद्यार्थियें गी समान शैक्षणिक अवसर प्रदान करने दी कोशिश करदी ऐ। एनसीइआरटी विद्यार्थियें च शैक्षणिक प्रतिभा, राश्ट्री प्रतिभा खोज योजना राहें उभारदी ऐ। एह् कलात्मक ते खोजपूर्ण प्रतिभा लेई चाचा नेहरू छात्रवृत्तियें राहें कलात्मक विशिश्ता दी बी प्रशैंसा करदी ऐ।

राश्ट्री छात्रवृत्तियां

क्लास अट्ठ लेई राश्ट्री प्रतिभा खोज परीक्षा

छात्रवृत्तियां: संचालत परीक्षा दे अधार पर अठमी क्लास दी परीक्षा च शामल होने आह्​ले विद्यार्थियें दे हर समूह चा इक ज्हार छात्रवृत्तियां दित्तियां जाङन।

जोगता: मान्यता हासल स्कूलें दी अठमीं क्लास च पढ़ने आह्​ले विद्यार्थी उ’नें राज्यें जां संघ शासित प्रदेशें, जित्थै स्कूल संचालत न, आसेआ संचालत जांच परीक्षा च शामल होने योग्य न। इस च स्थानीयता दा कोई प्रतिबंध नेईं होंदा ऐ।

परीक्षा योजना: अठमीं क्लास लेई लिखत परीक्षा दा तरीका एह् होग : पैह्​ले चरण दी राज्य जां संघ शासित प्रदेश च परीक्षा च दो खंड होङन

  • मानसक योग्यता जांच (मैट) ते
  • विद्वता योग्यता जांच (सैट) , जिस च समाजक विज्ञान, विज्ञान ते गणित विशे थमां सोआल पुच्छे जंदे न।

दूये चरण दी राश्ट्री स्तर दी परीक्षा च

  • मानसक योग्यता जांच (मैट),
  • विद्वता योग्यता जांच (सैट) , जिस च समाजक विज्ञान, विज्ञान ते गणित थमां सोआल पुच्छे जंदे न।
  • साक्षात्कार राश्ट्री स्तर दी परीक्षा च सफल होने आह्​ले विद्यार्थियें गी गै साक्षात्कार च सद्देआ जंदा ऐ।

राश्ट्री प्रतिभा खोज योजना

जोगता

केंदरी विद्यालय, नवोदय विद्यालय, सैनिक स्कूल सनें कुसै बी चाल्ली दे मानता हासल स्कूल दी दसमीं क्लास च पढ़ने आह्​ले सब्भै विद्यार्थी उस राज्य थमां, जित्थै स्कूल स्थित ऐ, राज्य स्तरी परीक्षा च शामल होने दे योग्य न।हालांकि इस च स्थानीयता सरबंधी कोई प्रतिबंध लागू नेईं होंदा ऐ।

आवेदन प्रक्रिया

पूरे देशै च दसमीं क्लासै च पढ़ने आह्‌ले विद्यार्थी इस परीक्षा दे बारे च अपने राज्य जां संघ शासित प्रदेश दी सरकार आसेआ जारी सूचना गी अखबारें जां स्कूल च दिखदे रौह्​न ते विज्ञापन जां सूचना च वर्णत जरूरतें अनुसार अग्गै बधन।

परीक्षा

एनसीइआरटी आसेआ संचालत कीती जाने आह्​ली दूये स्तर दी जांच च लोड़चदी संख्या च मेदवारें गी नामांकत करने लेई राज्य स्तरी परीक्षा दे दो खंड होंदे न:

भाग-1 मानसक योग्यता जांच (मैट) ते भाग-2 विद्वता योग्यता जांच (सैट)।

ओलिंपियाड

नेशनल साइबर ओलिंपियाड

योग्यता-

सीबीएसई (CBSE), आइसीएसई( ICSE) ते राज्य बोर्डे कन्नै सरबंधत अंग्रेजी माध्यम स्कूलें च त्री थमां 12मीं क्लास च पढ़ने आह्​ले बच्चे नेशनल साइबर ओलिंपियाड च शामल होई सकदे न। नौमीं थमां 12मीं क्लास दे ऐसे बच्चें गी, जेह्​ड़े कला, तजारत ते विज्ञान च अपना कैरियर बनाना चांह्​दे न, इस प्रतियोगिता च शामल होई सकदे न, कीजे इस च विद्यार्थियें दी कंप्यूटर म्हारत दी जांच कीती जंदी ऐ।

नेशनल साइंस ओलिंपियाड

विद्यार्थियें दा निबंधन: एह् मकाबला क्लास 3 थमां 12 तगर दे विद्यार्थियें लेई खुल्ला ऐ ते सरबंधत स्कूलें गी निर्दिश्ट प्रपत्र च निबंधन भेजना होग।

नेशनल मैथेमेटिकल ओलिंपियाड

राश्ट्री स्तर पर गणित ओलिंपियाड 1976 थमां राश्ट्री उच्चतर गणित परिशद(एनबीएचएम- नेशनल बोर्ड फार हायर मैथेमैटिक्स) दी प्रमुक्ख गतिविधि ते कोशिश ऐ। इस गतिविधि दा इक मुक्ख उद्देश हाई स्कूल दे बच्चें च गणित दी प्रतिभाएं दी पंछान करना ऐ। एनबीएचएम ने हर ब’रे होने आह्​ले अंतरराश्ट्री ओलिंपियाड च शामल होने लेई भारती टीम दे चुनांऽ ते प्रशिक्षण दी जिम्मेदारी बी लैती ऐ।

ओलिंपियाड मकाबले दे आयोजन लेई देश गी 16 खेत्तरें च बंडेआ गेआ ऐ। अंतरराश्ट्री गणित ओलिंपियाड (आइएमओ) च भारत दी भागीदारी लेई ओलिंपियाड कार्यक्रम च एह्​कड़े चरण होंदे न पैह्​ला चरण: खेत्तरी गणित ओलिंपियाड (आरएमओ): देश दे बक्ख-बक्ख खेत्तरें च आमतौर पर हर ब’रे सितंबर ते दिसंबर दे पैह्​ले ऐतवार आरएमओ दा आयोजन होंदा ऐ। आरएमओ च शामल होने लेई 11मीं क्लास दे सब्भै स्कूली बच्चे योग्य न। इस च त्रै घैंटे दी लिखत परीक्षा दा आयोजन कीता जंदा ऐ, जिस च छे थमां सत्त सोआल होंदे न।

दूआ चरण: भारती राश्ट्री गणित ओलिंपियाड (आइएनएमओ): आइएनएमओ हर ब’रे फरवरी दे पैह्​ले ऐतवार बक्ख-बक्ख खेत्तरी केंदरें पर होंदा ऐ। आरएमओ दे अधार पर बक्ख-बक्ख खेत्तरें दे चुनिंदा विद्यार्थी गै आइएनएमओ च शामल होने योग्य होंदे न। आइएनएमओ चार घैंटे दी लिखत परीक्षा होंदी ऐ। सोआल पत्तर केंदरी स्तर पर त्यार होंदे न ते पूरे देश च इक समान होंदे न। आइएनएमओ च पैह्​ले थाह्​र पर रौह्​ने वाले 30-35 विद्यार्थियें गी प्रतिभा दा सार्टिफिकेट दित्ता जंदा ऐ। त्रिया चरण: अंतरराश्ट्री गणित ओलिंपियाड प्रशिक्षण शिविर (आइएमओटीसी) : यूएनएमओ सार्टिफिकेट धारकें गी हर ब’रे मई-जून च आयोजित होने आहले म्हीनेभर दे सखलाई शिविर च सद्देआ जंदा ऐ। इसदे अलावा पिछले ब’रे दे ऐसे आइएनएमओ सार्टिफिकेट धारकें गी,जिनेंगी पूरे ब’रे दूरस्थ-शिक्षा गी तसल्लीबख्श ढंगै कन्नै पूरा कीता होए, दूये चक्र दे प्रशिक्षण लेई परतियै सद्देआ जंदा ऐ। शिविर दरान आयोजित चुनांऽ परीक्षा दे अंक दे अधार पर पैह्​ले ते दुये समूहें थमां सर्वश्रेश्ठ छे विद्यार्थियें दा चुनांऽ अंतरराश्ट्री गणित ओलिंपियाड च भारत दी नुमांइदगी लेई चुनेआ जंदा ऐ।

चौथा चरण: अंतरराश्ट्री गणित ओलिंपियाड (आइएमओ): शिविर दे अंत च चुनिंदा छे सदस्यी टीम इक नेता ते इक उप नेता कन्नै आइएमओ च भारत दी नुमांइदगी करदी ऐ,जेह्​ड़ी आमतौर पर जुलाई च बक्ख-बक्ख देशें च आयोजित होंदा ऐ। आइएमओ च साड्ढे चार-चार घैंटे दियां दो लिखत परीक्षा होंदियां न, जिसी दो दिन च घट्ट थमां घट्ट इक दिन दे अंतराल पर आयोजित कीता जंदा ऐ।

आइएमओ आयोजन तगर औने-जाने च करीब दो हफ्ते दा समां लगदा ऐ। आइएमओ च स्वर्ण, रजत ते कांस्य पदक जित्तने आह्​ली भारती टीम दे विद्यार्थियें गी अगले ब’रे दे शिविर दे अंत च आयोजित औपचारक समारोह् च एनबीएचएम थमां: पंज ज्हार, चार ज्हार ते त्रै ज्हार रपेंऽ दा नगद इनाम दित्ता जंदा ऐ। मानव संसाधन विकास मंत्रालय अट्ठ सदस्यी भारती प्रतिनिधि मंडल दा विदेश जात्तरा दा खर्च दिंदा ऐ, जद् कि एनबीएचएम (डीएइ) देश अंदर होने आह्​ले सभनें कार्यक्रमों ते अंतरराश्ट्री भागीदारी कन्नै जुड़े दे तमाम खर्च अदा करदा ऐ।

गणित ओलिंपियाड लेई पाठयक्रम: गणित ओलिंपियाड दा पाठयक्रम (खेत्तरी, राश्ट्री ते अंतरराश्ट्री) प्री-डिग्री कालेज इंटरलाइगणित ऐ। कठिनाई दा स्तर आरएमओ थमां आइएनएमओ ते फ्ही आइएमओ तगर बधदा जंदा ऐ।

गणित ओलिंपियाड लेई किश सफारश-शुदा कताबां न -

  • मैथेमैटिक्स ओलिंपियाड प्राइमर, वी कृष्णामूर्ति, सीआर प्रानेसचर, केएन रंगनाथन ते बीजे वेंकटचला आसेआ (इंटरलाइन पब्लिशिंग प्राइवेट लिमिटेड, बेंगलुरु)
  • चैलेंज एंड थ्रिल आफ प्री कालेज मैथेमैटिक्स, वी कृष्णामूर्ति, सीआर प्रानेसचर, केएन रंगनाथन ते बीजे वेंकटचला आसेआ (एज इंटरनेशनल पब्लिशर्स, नमीं दिल्ली)

गणित ओलिंपियाड परीक्षा योजना दी पूरी जानकारी लेई : इत्थै क्लिक करो।

राश्ट्री योग्यता छात्रवृत्ति योजना

अमलावरी

राश्ट्री योग्यता छात्रवृत्ति योजना दी शुरुआत 1961-62 सत्र थमां शुरू कीती गेई ऐ। इस योजना दा उद्देश हुश्यार पर गरीब विद्यार्थियें गी दसमीं बाद पढ़ाई लेई छात्रवृत्ति देना ऐ तां जे ओह् गरीबी बावज़ूद अपनी पढ़ाई जारी रक्खी सकन। ग्राईं खेत्तरें दे क्लास 6 थमां12 दे हुश्यार बच्चें लेई एह् छात्रवृत्ति योजना 1971-72 थमां लागू कीती गेई ऐ जिसदा उद्देश पढ़ाई लेई समान अवसर उपलब्ध करोआना ऐ। 9मीं योजना तगर एह् योजनां केन्द्र आसेआ प्रायोजत योजनाएं दे रूप च लागू कीतियां गेइयां। विभाग ने लागू करने लेई हून इ’नें योजनाएं गी मलाइयै ‘राश्ट्री योग्यता छात्रवृत्ति योजना’ बनाई ऐ। एह् संशोधत योजना अर्हता सरबंधी पैमानें ते छात्रवृत्ति दी दर बगैरा च बदलाव गी निर्धारत करदी ऐ।

उद्देश

इस योजना दा उद्देश क्लास 9 ते 10 च पढ़ाई करै करदे ग्रांई खेत्तरें दे हुश्यार विद्यार्थियें ते दसमीं थमां लेइयै ग्रैजूऐशन स्तर तगर सरकारी स्कूलें, कालेजें ते यूनिवर्सटियें च पढ़ाई करै करदे योग्य विद्यार्थियें गी माली मदाद देना ऐ।

विशे-खेत्तर

क्लास 9 ते 10 लेई छात्रवृत्तियां ग्रांई खेत्तर दे स्कूलें, सरकारी स्कूलें ते विकास खंड च स्थित स्कूलें च पढ़ने आह्​ले बच्चें लेई उपलब्ध ऐ। दसमीं दे बाद ग्रैजूऐशन स्तर दे पाठ्यक्रमें लेई राज्यवार योग्यता दे अधार पर राज्यें ते केंदर शासित प्रदेशें च स्कूलें, कालेजें ते यूनिवर्सटियें च छात्रवृत्तियां उपलब्ध न। छात्रवृत्ति उस प्रदेश/केंदर शासित प्रदेश दी सरकार आसेआ दित्ती जंदी ऐ जिसदा विद्यार्थी बसनीक ऐ जां जिस थमां उन्नै ओह् परीक्षा पास कीती ऐ, जिसदे अधार पर उसी छात्रवृत्ति दित्ती गेई ऐ। ग्रांई खेत्तरें च स्कूलें दी पंछान राज्य शासन/केंदर शासित प्रदेश दे प्रशासन आसेआ कीती जाह्​ग।

खेत्तर एवं जोगता

क्लास 9 ते 10 दे विद्यार्थियें लेई छात्रवृत्तियां सिर्फ ग्रांईं खेत्तर दे सरकारी स्कूलें च पढ़ै करदे विद्यार्थियें लेई उपलब्ध होङन।

जिनें विद्यार्थियें हेठ दित्ते वर्गें च, विज्ञान ते तजारत विशें च कुल मलाइयै 60 प्रतिशत ते मानविकी विशें च 55 प्रतिशत जां उस थमां मते नंबर हासल कीते दे होन, उनेंगी गै होर शर्त्तें अधीन राश्ट्री योग्यता छात्रवृत्ति योजना लेई पात्र समझेआ जाह्​ग-

  • 10मीं क्लास/मैट्रिक/10+2/ ग्रैजूऐट स्तर दे विद्यार्थियें गी छात्रवृत्ति देने लेई
  • 10+2 प्रणाली दे सीनियर सेकेंडरी बोर्ड परीक्षा दी 12मीं जां ग्रैजूऐशन ते उसदे बाद दे पाठ्यक्रमें दे पैह्​ले ब’रे च छात्रवृत्ति प्रदान करने लेई

कोई बी विद्यार्थी जिसी राश्ट्री योग्यता छात्रवृत्ति हासल होआ करदी होए, ओह् पढ़ाई लेई कोई बी होर छात्रवृत्ति हासल नेईं करी सकग। उ’यां जेह्​ड़े विद्यार्थी नौकरी करै करदे न ओह् बी एह् छात्रवृत्ति हासल करने योग्य नेईं होङन। इस योजना अंतर्गत छात्रवृत्ति हासल करने दरान विद्यार्थी जिस संस्थान च पढ़ाई करै करदा होए, उसदे शुल्क च छूट दा लाह् लेई सकग। कन्नै गै, ओह् मेदवार जिनें छात्रवृत्ति लेई आवेदन देने दे इक ब’रे पैह्​ले अर्हतादायी परीक्षां पास कीतियां होन, ओह् इसी हासल करने योग्य नेईं होङन।

अभिभावकें दी औंदन-सीमा

इस योजना दे अंतर्गत सभनें श्रेणियें च छात्रवृत्ति सिर्फ उ’नें विद्यार्थियें गी दित्ती जाह्​ग जिंदे अभिभावकें/पालकें दी सबूरे स्रोतें थमां सलाना औंदन 1 लक्ख रपेंऽ थमां मती नेईं होए।

सरबंधत स्त्रोत : www.ncert.nic.in

2.56
अपनी राऽ देओ

उप्पर दित्ते गेदे बिशे च जेकर तुंदी कोई प्रतिक्रिया/ राऽ ऐ तां किरपा करियै इत्थे पोस्ट करी लैओ

Enter the word
Back to top