घर / ऊर्जा / नीतिगत मदद / उजाला योजना कन्नै जुड़े दे बार-बार पुच्छे जाने आह्​ले सोआल
सांझा करो
Views
  • राज्य Open for Edit

उजाला योजना कन्नै जुड़े दे बार-बार पुच्छे जाने आह्​ले सोआल

इस हिस्से च उजाला योजना कन्नै जुड़े दे बार-बार पुच्छे जाने आह्​ले सोआलें दे परते दित्ते गेदे न।

उजाला योजना केह् ऐ?

मान जोग प्रधानमंत्री श्री नरेंद्र मोदीजी ने "रोशनी बत्त" - "रोशनी लेई बत्त" दा वर्णन एलईडी बल्ब दे रूप च कीता ऐ। देश च ऊर्जा दी दिशा च एह् पैह्​ल भारत सरकार दी कोशिशें दा इक हिस्सा ऐ। उजाला योजना तैह्​त आवासी स्तर पर मौजूदा उच्च लागत गी घट्ट करियै ऊर्जा दे कुशल उपकरणें ते एलईडी बरतून दी दिशा च उपभोक्ताएं दी जागरूकता गी बधाना ऐ। इस योजना डीईएलपी (डोमेस्टिक एफीसीएंट लाइटिंग प्रोग्राम-डीईएलपी) दे रूप च शुरु कीता गेआ ते बाद च इसी उजाला दे रूप च परतियै लांच कीता गेआ।

उजाला योजना जोगता

उजाला योजना तैह्​त एलईडी पाने लेई कु’न पात्तर ऐ ते एलईडी दी खरीद लेई केह् लोड़चदा ऐ?

ऐसे सब्भै उपभोक्ता जिनगी बिजली बंड कंपनी थमां मीटर राहें कनेक्शन दित्ता गेआ ऐ ओह् उजाला योजना कार्यक्रम तैह्​त एलईडी बल्ब पाने लेई योग्य न। उपभोक्ता ईएमआई भुगतान (बिजली बिल च माह्​बार/दो-माही किस्तें) पर जां नकद भुगतान करियै एलईडी खरीदी सकदे न। उपभोक्ता गी उजाला एलईडी बल्ब हासल करने लेई एह्​कड़े दस्तावेज कन्नै लेइयै जाने दी जरूरत ऐ-

  1. ईएमआई लेई-नमां बिजली बिल ते सरकार अधिकृत आईडी प्रूफ दी कापी।
  2. नकद लेई-सरकार अधिकृत आईडी प्रूफ दी कापी।

एलईडी बल्ब दी खरीद कु’त्थुआं ते कि’यां कीती जाई सकदी ऐ?

उजाला एलईडी बल्ब शैह्​र च खास निर्धारत थाह्​रें पर स्थापत काउंटरें (कियोस्क) राहें बंडे जा करदे न। एह् खुदरा दुकानें पर उपलब्ध नेईं होङन। बंड काउंटर दा ब्योरा राश्ट्री उजाला डैशबोर्ड राश्ट्री उजाला डैशबोर्ड पर उपलब्ध ऐ उपभोक्ता सुविधा लेई एह् थाह्​र जियो टैग होङन।

एलईडी बल्ब दी कीमत

एलईडी बल्ब दी कीमत केह् ऐ ?

उजाला एलईडी बल्ब 75 रपेऽ- 95 रपेऽ प्रति एलईडी बल्ब दी कीमत पर खरीदेआ जाई सकदा ऐ। एलईडी बल्बें दी कीमतें च अंतर राज्य लेई राज्य थमां करें च (वैट, चुंगी बगैरा) करियै बक्खरपन होई सकदा ऐ; इसदे कन्नै बंड ते जागरूकता लागत,;सालन्ना रखरखाव लागत (एएमसी ); कैपिटल ते प्रशासनक लागत दी लागत बगैरा पर बी मनहस्सर करग।

एलईडी बल्ब दी वारंटी

एलईडी बल्ब फ्यूज होने पर केह् करगे? इसदी वारंटी ऐ?

जेकर तकनीकी गड़बड़ी करियै एलईडी बल्ब कम्म करना बंद करी देयै, तां ईईएसएल त्रै ब’रें दी अवधि लेई लागत मुक्त बदल प्रदान करदा ऐ। सबूरी बदल राश्ट्री उजाला डैशबोर्ड पर उल्लेख कीते गेदे नामित बदल/बंड कियोस्क राहें गै होग। बंड अवधि दरान इनें एलईडी बल्बें गी उजाला कियोस्क थमां बदलेआ जाई सकदा ऐ। बंड दे बाद, राज्य खास बदल ड्राइव होग जिस कन्नै कि खुदरा दुकानें/थाह्​रें जित्थै बदल उपलब्ध होग दी जानकारी दित्ती जाह्​ग।

शकैत निपटारा

में अपनियां शकैतां कु’त्थै रजिस्टर करी सकनां?

इस च उपभोक्ता लेई उपलब्ध निपटारा तंत्र दियां 4 किस्मां न-

  • बंड दरान शकैतें गी स्हाड़ी बंड अजैंसी दे कस्टमर केयर सेंटर नंबर पर रावता कीता जाई सकदा ऐ जेह्​ड़े स्हाड़े विज्ञापन ते जागरूकता ड्राइव च प्रचारत कीते गेदे न। ईईएसएल आसेआ एह् जकीनी कीता गेआ ऐ जे इक टोल फ्री हेल्पलाइन नंबर उजाला बल्ब निर्माता आसेआ प्रिंट कीता जंदा ऐ कन्नै गै भुगतान रसीद च बी एह् दर्शाया गेआ ऐ। इक बार जदूं बंड अवधि खत्म होई जंदी ऐ तां उपभोक्ता इ’नें हेल्पलाइन नंबर राहें निर्माता कन्नै रावता करी सकदे न ते बल्ब बदली सकदे न। सरबंधत निर्माता नेड़में रिटेल आउटलेट लेई उपभोक्ता दा मार्गदर्शन करङन, जिस पर तकनीकी खामियें कन्नै बल्ब गी बदलेआ जाआ सकै।
  • ईईएसएल इक मजबूत समाजक मीडिया दी प्रतिक्रिया प्रणाली ऐ, जित्थै उपभोक्ता अपनी शकैत ईईएसएल दे ट्विटर @ ईईएसएल इंडिया राहें करी सकदे न।
  • तफसीली ब्योरे ते रावता तफसील कन्नै info@eesl.co.in पर ईमेल बी भेजेआ जाई सकदा ऐ।
  • राश्ट्री उजाला डैशबोर्ड पर बी खब्बी बक्खी उप्पर इक शकैत/शकैत संकल्प टैब ऐ, उपभोक्ता इस प्लेटफार्म दी बरतून करियै अपनियां शकैतां दाखल करने लेई सुतैंतर न जित्थै आमतौर पर हासली दे 48 घैंटे दे अंदर तसल्लीबख्श समाधान दी कोशिश कीती जंदी ऐ।
  • उजाला डैशबोर्ड च चिट्टा ते नीला रंग
  • उजाला डैशबोर्ड च चिट्टा ते नीला रंग कुसदी नुमांइदगी करदी ऐ?
  • नीले रंग उ’नें राज्यें बक्खी सारत करोआंदा ऐ जित्थै उजाला बंड योजना शुरू कीती गई ऐ ते उपभोक्ताएं लेई एह् योजना लागू होई गेई ऐ। चिट्टा रंग उ’नें राज्यें बक्खी सारत करोआंदा ऐ जित्थै एह् योजना लागू होने दी प्रक्रिया च ऐ। उजाला सरकारी योजना होने करियै कुसै बी राज्य च शुरू करने थमां पैह्​ले प्रोटोकाल दा पालन करदी ऐ।

स्रोत: राश्ट्री उजाला डैशबोर्ड ते  पत्र सूचना कार्यालय

2.44444444444
अपनी राऽ देओ

उप्पर दित्ते गेदे बिशे च जेकर तुंदी कोई प्रतिक्रिया/ राऽ ऐ तां किरपा करियै इत्थे पोस्ट करी लैओ

Enter the word
Back to top