घर / सेहत / बाल सेह्त / स्तनपान ते पोशान
सांझा करो
Views
  • राज्य Open for Edit

स्तनपान ते पोशान

इस भाग च बाल विकास च जरूरी भोमिका निभाने आह्ली प्रक्रिया स्तनपान ते ओह्दे कन्नै होने आह्ले पोशन दी जानकारी दित्ती गेई ऐ ।

छे म्हीनें तकर सिर्फ स्तनपान जीवन दी बधियै शुरूआत ।

स्तनपान

शिशु जनम दे बाद स्तनपान इस स्वाभाविक क्रिया ऐ । साढ़े देश च सारियां मावां अपने ञ्यानें जीआई स्तनपान करादियां न , पर पैह्ली बारी मांऽ बनने आह्लियें माताएं गी शुरू च स्तनपान कराने च मदद दि जरूरत होंदी ऐ । स्तनपान दे बारे च सेही ज्ञान दे आभाव च ञ्यानें च कुपोशान दा रोग ते संकर्मन कन्नै दस्त होई जंदा ऐ ।

मांऽ दे दुद्ध बधियै खुराक

  • स्तनपान दा मतलब जनम शा लेइयै छें म्हीनें तकर दे ञ्यानें गी मांऽ दे दुद्ध दे लावा पानी जां कोई होर सख्त जां तरल किस्म दि खुराक नेईं देना ।
  • मांऽ दे दुद्ध च माती मात्रा च पानी होंदा ऐ जेह्दे कन्नै छे म्हीनें तकर दे ञ्यानें दी पानी दी जरूरत गर्मी ते खुश्क मौसम च बी पूरी होई सकै ।
  • मांऽ दे दुद्ध दे लावा ञ्यानें गी पानी देने कन्नै ञ्यानें दा दुद्ध पीना घट्ट होई जंदा ऐ ते संक्रमन दा खतरा बधी जंदा ऐ ।
  • प्रसव दे अद्धे घेंटे दे अंदर-अंदर ञ्यानें दे मूंहै च स्तन पाना चाहिदा ।
  • आपरेशन कन्नै प्रसवकराए ञ्यानें गी 4-6 घेंटे दे अंदर जि’यां गै मांऽ दी हालत ठीक होई जा , स्तन कन्नै लाई देना चाहिदा ऐ ।

पैह्ला दुद्ध (कोलोस्ट्रम )

पैह्ला दुद्ध (कोलोस्ट्रम ) जानि एह् गाढ़ा पीला दुद्ध जेह्ड़ा शिशु जनम शा लेइयै किश दिनें ( 4 शा 5 दिन तकर ) च उत्पन्न होंदा ऐ , ओह्दे च विटामिन , एंटिबाड़ी , होर पोशाक तत्व मती मात्रा च होंदे न ।

  • एह् संक्रमन शा बचांदा ऐ , राक्खी करदा ऐ ते रतौंधी ज्नेह् रोगें शा बचांदा ऐ ।
  • स्तनपान आस्तै कोई बी स्थिति , जेह्ड़ी सुविधाजनक होऐ , अपनाई जाई सकदी ऐ ।
  • घट्ट जनम भार दे दे समां धेने दे पैह्लें गै पैदा होए ञ्यानें बी स्तनपान करी सकदे न ।
  • जेकर ञ्यानें स्तनपान नेईं करै करदा जां नेईं करी पा करदा तां इक कप ते चम्मच दी मदद कन्नै स्तन शा निकले दा दुद्ध पिलाओ ।
  • बोतल कन्नै दुद्ध पीने आह्ले ञ्यानें गी दस्त रोग होने दा खतरा बड़ा मता होंदा ऐ , ञ्यानें गी बोतल कन्नै दुद्ध कदें नेईं पिलाओ ।
  • जेकर ञ्यानें 6 म्हीनें दा होई गेआ ऐ तां उसगी मांऽ दे दुद्ध दे कन्नै-कन्नै होर पूरक खुराक दी जरूरत होंदी ऐ ।
  • इस मौकै स्तनपान दे कन्नै-कन्नै बाकी होर घर च बनने आह्लें खाद्य पदार्थ जि’यां मसली दी दाल , उबला आलू , केला , दाल दा पानी , बगैरा तरल ( तरी आह्ले ) ते घट्ट तरल खाद्य पदार्थ देने चाहिदे , पर स्तनपान ½ साल तकर करांदे रौँह्ना चाहिदा ऐ ।
  • जेकर ञ्यानें बमार होऐ तां बी स्तनपान ते पूरक खुराक दा जारी रखना जरूरी ऐ । स्तनपान ते खुराक कन्नै ञ्यानें दी सेह्त च तौले सुधार होंदा ऐ ।

ञ्यानें आस्तै खुराक ( 6 शा 12 म्हीनें )

  • स्तनपान दे कन्नै –कन्नै ञ्यानें गी घट्ट सख्त आह्ली खुराक, मिर्च मसाले रैह्त दलिया । खिचड़ी , भत्त , दालां , देहीं जां दुद्ध कन्नै रूट्टी मसलियै देओ ।
  • इस बारी इक गै चाल्लीं दा भोजन शुरू करो ।
  • मात्रा ते किसमां बल्लें- बल्लें बाधाओ ।
  • पकाए ते मसले दे आलू , सब्जियाँ , केला ते फल ञ्यानें गी देओ ।
  • शक्ति बधाने आस्तै खुराक च इक चमचा तेल जां घ्योऽ मिलाओ । स्तनपान शा पैह्लें ञ्याने गी पूरी खुराक खिलाओ ।

स्त्रोत: चिकित्सा , स्वास्थ ते परिवार कल्यान विभाग , राजस्थान सरकार

2.73076923077
अपनी राऽ देओ

उप्पर दित्ते गेदे बिशे च जेकर तुंदी कोई प्रतिक्रिया/ राऽ ऐ तां किरपा करियै इत्थे पोस्ट करी लैओ

Enter the word
Back to top