घर / समाजिक भलाई / कौशल विकास / भारत सरकार दी कौशल विकास जोजनां ते कार्यक्रम / प्रधानमंत्री कौशल विकास जोजना (पीएमकेवीवाई )
सांझा करो
Views
  • राज्य Open for Edit

प्रधानमंत्री कौशल विकास जोजना (पीएमकेवीवाई )

इस भाग च प्रधानमंत्री कौशल विकास जोजना दे बारे च जानकारी दित्ती गेई ऐ।

परिचे

प्रधानमंत्री कौशल विकास जोजना (पी एम के वी वाई ) नौजोआन कौशल सिखलाई आस्तै इक प्रमुक्ख जोजना ऐ । एह्दे तैह्त पाठ्यक्रमें च सुधार , बेह्तर शिक्षन ते प्रशिक्षित शिक्षकें उप्पर चेचा ज़ोर दित्ता गेआ ऐ । सिखलाई च बाकी होर पैह्लुएं कन्नै व्यवहार कुशलता ते व्यवहार च बदलाS बी शामल ऐ ।

एह्दे अंतर्गत देश दे 24 लक्ख नौजोआने गी बक्ख-बक्ख उद्योगें कन्नै सरबंधत स्किल ट्रेनिंग करने दा मौका मिलग । इस जोजना दे तैह्त स्किल ट्रेनिंग करने आह्ले नौजोआने गी सरकार आसेआ आर्थक इनाम बी होग । ट्रेनिंग खत्म होने उप्पर इनें नौजोआने गी सरकार आसेआ इक प्रमानपत्र दित्ता जाह्ग , जेह्ड़ा उ’नेईं रूज़गार पाने ते अपना भविक्ख सोआरनें च मदद करग ।

राश्ट्रीय कौशल विकास निगम ( एन एस डी सी )

नमें गठित कौशल विकास ते उद्यम मंत्रालय राश्ट्रीय कौशल विकास निगम दे माध्यम कन्नै इस कार्यक्रम गी लागू कीता जा करदा ऐ । एह्दे तैह्त 24 लक्ख नौजोआने गी सिखलाई दे दारे च लाया जाह्ग । कौशल सिखलाई नेशनल स्किल क्वालिफिकेशन फ्रेमवर्क (एन एस क्यू एफ ) ते उद्योग आसेआ तैह् मानदंड उप्पर आधारत होग । कार्यक्रम दे तैह्त त्रिया पक्ख आकलन संस्थाएं आसेआ मूल्यांकन ते प्रमान पत्र दे आधार उप्पर सखेतरूएं गी नकद राशि दित्ती जाह्ग । नकद इनाम औसतन 8000 रुपेS प्रति सखेतरू होग ।

इस जोजना दे उदेश्य हेठ लिक्खे न .

  • 24 लक्ख नौजोआने गी इस कौशल विकास जोजना च लक्षित , प्रशिक्षिक ते मौद्रिक समर्थन च सम्मिलत करना
  • मानता हासल संस्था दे माध्यम कन्नै कौशल सिखलाई दे दौर चा निकलियै प्रमानित होए उम्मीदवार 8000 रुपे निर्धारित ।
  • मूल्यांकन ते प्रमानीकरन दी प्रक्रिया च मानकीकरन (standardization ) गी प्रोत्साहत करना ।

होर मुक्ख बिंदू

  • प्रधानमंत्री कौशल विकास जोजना दे तैह्त मुक्ख रूप कन्नै श्रम बजार च पैह्ली बारी प्रवेश करै करदे लोकें उप्पर जोर होग ते खास करियै कलास दसमीं ते बाहरमीं ( 10th ते 12th ) दे दौरान स्कूल छोड़ी गे छात्रें उप्पर ध्यान दित्ता जाह्ग ।
  • जोजना दा कम्मकाज एन एस डी सी दे सिखलाई सांझेदारें आसेआ कीता जाह्ग । इसलै लगभग 2300 केंद्रे दे एन एस डी सी दे 187 सिखलाई सांझेदार न ।
  • इं’दे लावा केंद्रे ते राज्य सरकारें कन्नै सरबंधत सिखलाई प्रदाता संस्थाएं गी बी इस जोजना तैहत सिखलाई आस्तै जोड़ेआ जाह्ग ।
  • सारे सिखलाई प्रदाताएं गी इस जोजना दे जोग होने आस्तै इक जांच प्रक्रिया चा लङना होग । पीएमकेवीवाई दे तैह्त सैक्टर कौशल परिशद ते राज़्य सरकारां बी कौशल सिखलाई कार्यक्रमें दी निगरानी करङन ।
  • जोजना दे तैह्त इक कौशल विकास प्रबंधन प्रनाली (एस डी एम एस ) बी त्यार कीती जाह्ग जेह्ड़ी सारे सिखलाई केंद्रें दे ब्योरे ते सिखलाई ते पाठ्यक्रम दी गुनवत्ता दी जाच करग ते उ’नेईं दर्ज बी करग ।
  • जित्थूं तकर संभव होग सिखलाई प्रक्रिया च बायोमेट्रिक सिस्टम ते वीडियो रिकार्डिंग बी शामल कीती जाह्ग जेह्ड़ी पी एम के वी आई थमां जानकारी लैती जाह्ग जो पी एम के वी आई दी प्रभावशीलता दे मूल्यांकन दा मुक्ख आधार होङन । शकैतें दे निपटारे आस्तै इक प्रभावी शकैत निवारन तंत्र बी शुरू कीता जाह्ग ।
  • नौजोआने गी कौशल मेलें दे जरिए जुटाया जाह्ग ते एह्दे आस्तै स्थानीय स्तर उप्पर राज्य सरकारें , स्थानीय निकायें , पंचैती राज संस्थाएं ते समुदाय आधारत संस्थाएं दा सैह्योग लैता जाह्ग ।

पी एम के वी वाई दी प्रक्रिया

इक सिखलाई केंद्र पाओ

  • पी एम के वी वाई आसेआ मानता हासल इक सिखलाई केंद्र लब्भो , जेह्ड़ा तुंदी पसंद दा कौशल विकास पाठ्यक्रम प्रदान करदा होऐ ।
  • इस वेबसाइट दा इस्तेमाल करो, काल करो 08800-55555 जां अपनी चोन खेतर च लग्गने आह्ले कौशल विकास शिवर च भागीदार बनो ।
  • लोकें गी सारे गैर मानता हासल सिखलाई केन्द्रें शा चक्कना रौह्नें दी चेतावनी दित्ती जंदी ऐ । जेकर इस जोजना दा कुसै बी चाल्लीं दा उल्लंगन होंदा ऐ , तां मेह् रबानी करियै शकैत निपटारा पोर्टल दी मदद कन्नै आनलाइन शकैत दर्ज कराओ ।

कौशल सिक्खो

  • अपनी पसंद दे ते उस पाठ्यक्रम कन्नै दाखला लैओ जेह्दे आस्तै तुस काबल होवो ।
  • उम्मीदवारें गी प्रशिक्षान ते मूल्यांकन मुल्ल भरना होग ।
  • दाखला लैने वेलै तुसें गी अपना आधार कार्ड ते बैंक खाते दा ब्योरा देना होग।
  • केह् तुंदे कोल आधार कार्ड , बैंक खाता नेईं ऐ , जां तुस प्रशिक्षान फीस भरने च सक्षम नेईं ओ ? मती जानकारी आस्तै एफएक्यू क्लिक करो ।

दाखला लैओ

  • तुस पी एम के वी वाई आसेआ मानता हासल प्रशिक्षान केन्द्रें उप्पर जेह्ड़ा प्रशिक्षान हासल करगे , ओह् राश्ट्रीय आजीविका भानकें ( NOS ) ते क्वालिफ़िकेशन पैक्स (QPs ) दे अनुरूप होग । जिसगी हर इक रोज़गार भूमिका आस्तै सेक्टर स्किल काउंसिल (8808) उप्परा तयार किता जंदा ऐ ।
  • कुसै SSC चि’न्न उप्पर क्लिक करो ते होर मती जानकारी लैओ ।

मूल्यांकन ते प्रमानित कराओ

  • अपने पाठ्यक्रम दे पूरा होने उप्पर तुंदा SSC आसेआ स्वीकार मूल्यांकन एजेंसी आसेआ मूल्यांकन कीता जाह्ग ।
  • जेकर तुस मूल्यांकन पास करी लैंदे ओ ते तुंदे कोल सेही आधार कार्ड ऐ , तां तुसेंगी सरकारी प्रमानपत्र ते स्किल कार्ड हासल होग ।
  • ऊमीदवार केईं बारी अपना मूंल्यांकन कराई सकदे न , पर उ’नेईं हर बारी मूल्यांकन फीस भरनी होग ।

पुरस्कार हासल करो

  • तुसेंगी प्रमानित कीते जाने दे एवज च इक राशि इनाम मिलग ।
  • एह पुरस्कार सिद्धा तुंदे बैंक खाते च जमा कराई दित्ता जाह्ग ।
  • ऊमीदवार सिर्फ तां गै एह् पुरस्कार पाने दे हकदार होई सकदे न , जेकर
    • हुंदे कोल इक वैध बैंक खाता होऐ ते प्रामाणिक कीता गेआ होऐ ।
    • एह्दे पैह्लें कोई राशि इनाम नेईं मिले दा होऐ ।
  • राशि इनाम सेक्टर दे आधार ऊपर ते रूज़गार दी भूमिका दे स्तर दे आधार उप्पर बक्ख होङन ।

स्त्रोत : प्रधानमंत्री कौशल विकास जोजना ,भारत सरकार ते पत्र सूचना कार्यालय

2.925
अपनी राऽ देओ

उप्पर दित्ते गेदे बिशे च जेकर तुंदी कोई प्रतिक्रिया/ राऽ ऐ तां किरपा करियै इत्थे पोस्ट करी लैओ

Enter the word
Back to top