सांझा करो
Views
  • राज्य Open for Edit

सुकन्या समृद्धि जोजना

इस भाग च बेटी बचाओ बेटी पढ़ाओ जोजना दे तैह्त शुरू कीती गेई सुकन्या समृद्धि जोजना दी जानकारी दित्ती गेई ऐ ।

परिचय

4 दिसंबर 2014 च सरकार ने लौह्की(निक्की) बचत गी प्रोत्साहन देने आस्तै बेटियें ( कुडियें ) दी बशेश जमा जोजना सुकन्या समृद्धि (Sukanya Samidhi Account ) दा शुभरंभ कीता । 3 दिसंबर 2014 गी सुकन्या समृद्धि खाता नियम-2014 गी भारत दे राजपत्र च प्रकाशात कीता गेआ । सुकन्या समृद्धि खाता ञ्यानीं कुड़ी दे माता पिता जां संरक्षक आसेआ कुड़ी दे नांऽ कन्नै ओह्दे जनम लैने थमां दस साल तकर दी बरेस हासल करने तकर खोलेआ जाई सकग ।

प्रमुख बिंदु

  • जेकर कोई कुड़ी जिसने इस नियन दे शुरू होने दे इक साल पैह्ले दस साल दी बरेस हासल करी लैती दी ही ओह् बी खाता खोलने आस्तै पात्र होग।
  • जमाकर्ता कुड़ी दे नांऽ कन्नै सिर्फ इक गै खाता खोलेआ जाई सकता ऐ । मां-प्योऽ जां संरक्षक सिर्फ द’ऊं कुड़ियें आस्तै खाता खोली सकदे न , ञ्यानें दे संबंध च प्रमाण प्रस्तुत करने उप्पर त्रिया खाता खोलने दी अनुमति दित्ती जाह्ग ।
  • एह् खाता इक ज्हार (1000) रु दी शरूआति जमा राशि कन्नै खेलेआ जाह्ग ते इक वित्तिय साल च एह्दे च घट्ट शा घट्ट इक ज्हार ते मते शा मते इक लक्ख पंजाह् ज्हार ( 1,50,000) रपेऽ जमा कीते जाई सकङन ।
  • खाते च रकम खाता खोलने दी तरीक थमां चौह्दां साल पूरे होने तकर जमा कीती जाह्ग ।
  • जेकर खाते च घट्ट राशि जमा नेईं कीती होग तां घट्ट जमा राशि कन्नै 50 रपेऽ हर साल जुर्माना दे कन्नै खाते गी चलाया जाई सकग ।
  • ब्याज अधिसूचित कीती जाने आह्ली दर उप्पर सलाना जां मासिक देय होग ।
  • खाता कुड़ी दे दस साल दी बरेस पूरी करने तकर माता-पिता आसेआ खोलेआ ते चलाया जाह्ग । कुड़ी दे दस साल बरेस होने उप्पर ओह् आपूं बी खाता चलाई सकग । खाता भारत च कुतै बी खोलेआ जाई सकग ।
  • खाते च रामा राशि दे 50 प्रीतिशत तकर दी राशि नकालने दी अनुमति तंदू होग जंदू कुड़ी ठाह्रें(18) सालें दी होई जाह्ग ।
  • कुड़ी दी मौत होने उप्पर संरक्षन आसेआ खाता बंद करी दित्ता जाह्ग ते राशि ब्याज सहित आहरित करी लैती जाह्ग ।
  • खाता खोलने दी तरीक थमां इक्की (21) साल पूरे होने उप्पर खाता परिपक्ख होग
  • जेकर कुड़ी दा ब्याह् 21 साल दी अवधि पूरी होने थमां पैह्ले होंदा ऐ तां ब्याह् दी तरीक दे बाद खाते दे चलाने दी अनुमति नेईं होग । खाता बंद होने दे बाद आहरन पर्ची कन्नै जमा राशि ब्याज सहित हासिल होग ।

कार्यप्रनाली

खाता खोलना

इस जोजना दा लाऽ लैने आस्तै सारें शा पैह्लें अधिकृत बैंक जां पोस्ट आफिस च इक खाता खोलना होग । एह् खाता बच्ची दे माता-पिता जां अभिभावक ओह्दे 10 साल दा होने तकर खोले सकदे न । इक बच्ची दे नांऽ उप्पर इक गै खाता खोलेआ जाई सकदा ऐ । जेकर कुसै दियां दो कुड़ियां न तां उसगी दो बक्ख-बक्ख खाते खोलने होङन । जेकर कुसै दियां त्रै कुड़ियां होङन तां उसगी बी इस जोजना दा लाऽ मिलग ।

बरेस

सुकन्या जमा जोजना दे तैह्ंत10 साल थमां मती बरेस आह्ली कुड़ी दा खाता नेईं खोलेआ जाई सकदा ऐ । हालांके इस च इस साल दी छूट दित्ती गेई ऐ ।

ब्याज दर

इस जोजना दे तैह्त खाते च रमा राशि उप्पर हर साल भारत सरकार दी तरफा ब्याज दरें दी घोशना कीती जाह्ग ।

खाता दाबादले दी सुविधा

इस खाते गी जिस शैह्र च खोलेआ जाह्ग , उत्थुआं कुसै दूए शैह्र च बी दबदील कीता जाई सकग । जानि पूरे भारत च कुतै बी खाते दा दबादला कीता जाई सकदा ऐ ।

जमा निधि

इस खाते गी घट्ट शा घट्ट 1000 रपेऽ दी राशि जां ओह्दे 100 रपेऽ दे गुनांक दे कन्नै खोलेया जाई सकदा ऐ । इस वित्तिय साल च घट्ट शा घट्ट 1000 रपेऽ ते ज्यादा शा ज्यादा डेढ़ लक्ख रपेऽ तकर इस खाते च जमा कीता जाई सकग । एह् राशि खाता खोलने शा लेइयै 14 साल पूरे होने तकर जमा रौह्ग ।

खाता संचालन

सुकन्या जमा जोजना खाते दा संचालन बेटी दे अभिभावक आसेआ तदूं तकर कीता जाह्ग , जदूं तकर एह् बच्ची 10 साल दी नेईं होई जा 10 साल दी होने दे बाद एह् बच्ची अपने खाते गी खुद चलाई सकदी ऐ ।

निकासी

जदूं कुड़ी 18 साल दी होई जाह्ग तां उसगी जमा राशि दी 50 प्रतिशत रकम उच्च शिक्षा आस्तै मिलग ।

टैकस च राहत

सुकन्या समृद्धि जोजना दे तैह्त खुलने आह्ले खातें गी टैकस शा छूट मिलग । इस जोजना दे तैह्त खुलने आह्ले खातें गी आयकर कनून दी धारा 80 जी तैह्त छूट दित्ती जाह्ग ।

जोजना कन्नै जुड़ी नमीं जानकारी

पीपीएफ थमां मता ब्याज

सुकन्या समृद्धि जोजना 10 साल तकर दी कुड़ियें आस्तै खोलेआ जाई सकदा ऐ । बेटी दे 18 साल होने उप्पर इस चा 50 प्रतिशत राशि शिक्षा खर्च आस्तै निकालने दी अनुमति ऐ । 21 साल दी बरसे दे बाद इस चा पूरी राशि निकाली सकदे न । सरकार इस उप्पर 9-10 प्रतिशत ब्याज देऐ करदी ऐ । सुकन्या खाते च जर साल इक ज्हार रपेऽ दा निवेश जरूरी ऐ ते ज़्यादा शा ज़्यादा 1.50 लक्ख रपेऽ जमा करी सकते न ।

सुकन्या खाते च निवेश राशि उप्पर गै पैह्ले टैक्स छूट ही ब इस बजट च एह्दे ब्याज ते मियाद उप्पर मिलने आह्ली राशि उप्पर बी टैक्स छूट दित्ती गेई ऐ । इस मामले च एह् पीपीएफ दे बराबर होई गेआ जिस उप्पर त्रै स्तरें उप्पर टैक्स छूट मिलदी ऐ । पर ब्याज दे मामले च सुकन्या खाता पीपीएफ कन्नै मता आकर्शक ऐ । पी पी एफ उप्पर 8.75 प्रतिशत ब्याज मिलै करदा ऐ जदके सुकन्या खाते उप्पर 0.35 प्रतिशत ब्याज मता ऐ ।

स्त्रोत- ईगजेट आफ इंडिया – भारत सरकार

2.93939393939
अपनी राऽ देओ

उप्पर दित्ते गेदे बिशे च जेकर तुंदी कोई प्रतिक्रिया/ राऽ ऐ तां किरपा करियै इत्थे पोस्ट करी लैओ

Enter the word
Back to top