অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

प्रधानमंत्री फसल बीमा जोजना

प्रधानमंत्री फसल बीमा जोजना

सारियें जोजनाएं दी समीक्षा करियै शैल फीचर शामल करियै करसान दे हितै च ते नमें फीचर्स जोड़ियै एह् फसल बीमा जोजना बनाई गेई ऐ । इस चाल्लीं एह् जोजना पुरानी कुसै बी जोजना कन्नै करसान हित च बेह्तर ऐ । साल 2010 थमां प्रभावी मोडीफ़ाइड एनएआइएस च प्रीमियम मता होने दी दशा च इक कैप निर्धारित रौंह्दी ही जेह्दे करियै सरकार आसेआ वहन कीती जाने आह्ली प्रीमियम राशि घट्ट होई जंदी ही , नतीजे दे तौर उप्पर करसान गी मिलने आह्ली दावा राशि बी तर्कशील रूप कन्नै घट्ट होई जंदी हो ।

प्रधानमंत्री फसल बीमा जोजना च 30 ज्हार सम इन्शोर्ड उप्पर 22 प्रतिशत एक्युरियल प्रीमियम औने उप्पर करसान मात्र 600 रुपे S प्रीमियम देग ते सरकार 6000ज्हार रुपेS दा प्रीमियम देग ।

शतप्रतिशत नुक्सान दी दशा च करसान गी 30 ज्हार रुपे S दी पूरी दावा राशि हासल होग । जानि मासाल दे प्रकरन च करसान आस्तै प्रीमियम 900 रुपे S शा घट्ट होइयै 600 रुपेS । दावा रकम 15000 रुपे S दे जगह् उप्पर 30 ज्हार रुपेS ।

विशेशतां

  • बीमित करसान जेकर प्राक्रतिक आपदा करियै राही –बाही नेईं करी सकदा तां एह् जोखम बी शामल ऐ उसगी दावा रकम मिली सकग ।
  • हैन (ओले ) हाड़ ते लैंड स्लाइड जनेहीं आपदाएं गी स्थानीय आपदा मन्नेआ जाह्ग । परानी जोजनाएं दे तैह्त जेकर करसान दे खेत्तर च पानी भरी जा तां करसान गी मिलने आह्ली दावा रकम इस उप्पर निर्भर करदी ऐ जे जूनिट आप इंश्योरेंस ग्रां च कुल नुक्सान किन्ना ऐ । जां ग्राएं दे समूह इस करियै केई बारी नदी-नाले दे कंढ़े जां खलके पास्सै खेतरें दे नुक्सान दे बावजूद करसाने गी दावा राशि (रकम) हासल नेईं होंदी ही । प्रधानमंत्री फसल बीमा जोजना च इसगी स्थानीय नुक्सान मन्नियै सिर्फ प्रभावत करसानें दा सर्व करियै उ’नेईं दावा रकम दित्ती जाह्ग ।
  • पोस्ट हार्वेस्ट नुक्सान बी शामल कीता ऐ । फसल कट्टने दे 14 दिन तकर जेकर फसल खेत्तर च ऐ ते उस दौरान कोई आपदा आई जंदी ऐ तां करसाने गी दावा रकम हासल होई जाह्ग । जोजना च टेक्नोलाजी दा इस्तेमाल कीता जाह्ग जेह्दे कन्नै फसल कटाई नुक्सान दा ब्योरा तौले ते सेही होई सकै ते करसाने गी दावा रकम सेही रूप कन्नै मिली सकै । रिमोट सेंसिंग दे माध्यम कन्नै फसल कटाई प्रोयोगें दी गिनती घट्ट कीता जाह्ग । फसल कटाई प्रयोग दे आंकड़े स्मार्टफोन दे माध्यम कन्नै अपलोड कीते जाङन ।

देय प्रीमियम रकम (राशि )

प्रधानमंत्री फसल बीमा जोजना दे तैह्त फसल दे अनुसार करसान आसेआ देय प्रीमियम रकम मती घट्ट करी दित्ती गेई ऐ जेह्ड़ी हेठ दित्ती अनुसार ऐ :-

क्र. सं.

फसल

करसान आसेआ देय मते शा मता बीमा प्रभार (बीमित राशि दा प्रतिशत )

1

खरीफ

2.0%

2

रबी

1.5%

3

सालाना वानिज्यिक ते बागवानी फासलां

5%

स्त्रोत : पत्र सूचना कार्यालय भारत सरकार



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate