आधार कार्ड केह् ऐ?
आधार कार्ड केह् ऐ?
निजी खास संख्या
आधार 12 अंकें दी इक निजी खास संख्या ऐ जिसी भारती खास पंछान प्राधिकरण, भारत सरकार आसेआ सभनें बसनीकें गी जारी करदा ऐ। एह् संख्या, भारत च कुतै बी, माह्नू दी पंछान ते पते दा सबूत होग। भारती डाक आसेआ हासल ते यू.आई.डी.ए.आई. दी वेबसाइट थमां डाउनलोड कीता गेआ ई-आधार दोए गै समान रूप कन्नै मान्य न। कोई बी माह्नू जेह्ड़ा भारती बसनीक होए ते जेह्ड़ा यू.आई.डी.ए.आई. आसेआ निर्धारत सत्यापन प्रक्रिया गी पूरा करदा होए, ओह् आधार लेई नामांकन करोआई सकदा ऐ भाएं उसदी बरेस ते लिंग किश बी होए। हर इक माह्नू सिर्फ इक बार नामांकन करोआई सकदा ऐ। नामांकन मुफ्त ऐ।
आधार संख्या हर इक माह्नू दी जीवनभर दी पंछान ऐ। आधार संख्या कन्नै तुसेंगी बैंकिंग, मोबाईल फोन कनेक्शन ते सरकारी ते गैर-सरकारी सेवाएं दियां स्हूलतां हासल करने च स्हूलत होग।
आधार दे लाह्
- किफायती तरीके ते सैह्ल तरीके कन्नै आनलाइन विधि कन्नै सत्यापन योग्य।
- सरकारी ते निजी डेटाबेस थमां डुप्लिकेट ते नकली पंछान गी बड़ी मती संख्या च खत्म करने च अनूठी ते ठोस कोशिश।
- इक क्रम-रैह्त (रैण्डम) उत्पन्न संख्या जेह्ड़ी कुसै बी जाति, पंथ, मजहब ते भौगोलिक खेत्तर बगैरा दे वर्गीकरण पर अधारत नेईं ऐ।
आधार ऐ आधार नेईं ऐ
- आधार इक 12 अंकें दी हर इक भारती दी इक खास पंछान ऐ (बच्चें सनें) मात्तर इक कार्ड।
- भारत के हर बसनीक दी पंछान ऐ। हर इक परिवार लेई सिर्फ इक आधार कार्ड काफी ऐ।
- डेमोग्राफिक ते बायोमेट्रिक दे अधार पर हर इक माह्नू दी खास पंछान सिद्ध करदा ऐ। जति, धर्म ते भाशा दे अधार पर सूचना नेईं कठेरदा।
- एह् इक अपनी मर्जी कन्नै सेवा ऐ जिसदा हर इक बसनीक लाह् लेई सकदा ऐ भाएं इसलै उसदे कोल कोई बी दस्तावेज होए। हर इक भारती बसनीक लेई जरूरी ऐ जिसदे कोल पंछान दा दस्तावेज होए।
- हर इक माह्नू गी सिर्फ इक गै खास पंछान आधार नम्बर दित्ता जाह्ग। इक माह्नू मल्टीपल पंछान आधार नम्बर हासल करी सकदा ऐ।
- आधार वैश्विक इन्फ्रास्ट्रक्चर पंछान प्रदान करग जेह्ड़ी कि राशन कार्ड, पासपोर्ट बगैरा जनेही पंछान अधारत एप्लीकेशन आसेआ बी बरतेआ जाई सकदा ऐ। आधार होर पंछान पत्तरें दी थाह्र लैग।
- यू.आई.डी.ए.आई., कुसै बी चाल्ली दे पंछान प्रमाणीकरण कन्नै सरबंधत सोआलें दा हां/न च परता देगा। यू.आई.डी.ए.आई. दी सूचना पब्लिक ते प्राइवेट अजेंसियां हासल करी सकङन।
स्त्रोत: भारती खास पंछान प्राधिकरण
Last Modified : 6/14/2020
