कु’त्थै ते कि’यां नामांकन कीता जा?

नामांकन प्रक्रिया

• आधार नामांकन मुफ्त ऐ।
• तुस अपनी पंछान ते पते दे सबूत कन्नै भारत च कुसै बी अधिकृत नामांकन केंदर पर जाई सकदे ओ।
• यू.आई.डी.ए.आई. पंछान सबूत दे 18 ते पते के 33 दस्ता‍वेजें गी सबूत के रुप च मंजूर करदा ऐ। किरपा करियै, राश्ट्री स्तर पर मान्य दस्ता‍वेजें दी सूची लेई इत्थै क्लिक करो इलेक्शन फोटो आई.डी. कार्ड/राशन कार्ड ते ड्राइविंग लाइसेंस पंछान ते पते दे आम सबूत न।
• पेन कार्ड ते सरकारी पंछान पत्र जिंदे पर फोटो लग्गे दा होए पंछान दे मंजूरशुदा सबूत न।
• पते दे सबूत के रूप च पानी-बिजली दा बिल/टेलीफोन बिल जनेह् दस्तावेज़ मंजूर न बशर्ते बिल त्रै म्हीने थमां पराना नेईं होए।
• जेकर थुआढ़े कोल मनासब आम सबूत नेईं होन तां गजटेड अधिकारी/तहसीलदार आसेआ लैटर-हैड पर जारी प्रमाण-पत्र, पंछान दा सबूत मन्नेआ जाई सकदा ऐ बशर्तें उस पर माह्​नू दा फोटो बी लग्गे दा होए।
• पते दे सबत दे तौर पर एम.पी./एम.एल.ए./गजटेड अधिकारी/तहसीलदार आसेआ लैटर-हैड पर जां ग्रांऽ पंचैत मुखिया जां उसदे समकक्ष अधिकारी आसेआ (ग्रांई खेत्तर दे मामले च) जारी प्रमाण पत्र, गी पते दा सबूत मन्नेआ जाई सकदा ऐ बशर्ते उस पर माह्​नू दा फोटो बी लग्गे दा होए।
• जेकर, परिवार च कुसै सदस्य कोल अपना खुद दा कोई मान्य दस्तावेज नेईं ऐ तां ओह् बी आधार नामांकन करोआई सकदा ऐ, जेकर उसदा नांऽ परिवार दे होर सदस्य दे दस्तावेज़ च दर्ज ऐ। ऐसे मामले च, परिवार दे मुखिया दा नामांकन सभनें थमां पैह्​ले होना चाहिदा जिसदे कोल अपनी पंछान ते पते दे सबूत दे दस्तावेज होने चाहिदे। उसदे बाद परिवार दा मुखिया अपने परिवार दे सदस्यें लेई परिचे दाता बनी सकदा ऐ जिसदे अधार पर उसदे परिवार दे सदस्यों दा नामांकन होई सकदा ऐ। यू.आई.डी.ए.आई, मुखिया कन्नै सरबंध दे रूप च 8 दस्तावेजें गी मानता दिंदा ऐ। राश्ट्री स्तर पर मानता हासल दस्तावेजे लेई किरपा करियै इत्थै क्लिक करो।
• जित्थै कुतै बसनीक कोल दस्तावेज नेईं होन तां ओह् नामांकन केंदर पर उपलब्ध परिचे दाता दी मदद लेई सकदा ऐ। परिचे दाताएं गी रजिस्ट्रार र्निदिश्टक करदा ऐ। होर मती जानकारी लेई सरबंधत रजिस्ट्रार दे दफ्तर कन्नै रावता करो।
• नामांकन केंदर पर किरपा करियै फार्म च अपना ब्योरा भरो। नामांकन दरान थुआढ़ा फोटो, फिंगर-प्रिंट ते अक्खें दियें पुतलियें दे नशान बी लैते जाङन। नामांकन दरान तुस अपना ब्योरा, कम्यूटर स्क्रीन पर दिक्खी सकदे ओ। जेकर लोड़चदा होए तां उस च सुधार बी करोआई सकदे ओ। तुसेंगी इक रसीद बी दित्ती जाह्​ग जिस पर आरजी नामांकन नंबर ते होर ब्योरा दित्ते दा होंदा ऐ।
• तुस सिर्फ इक बार गै नामांकन करोआई सकदे ओ। दुबारा नामांकन करोआने दा मतलब ऐ अपना समां बर्बाद करना। तुसेंगी आधार नंबर इक बार गै मिलग।
• थुआढ़े आसेआ दित्ती गेई सूचना दे अधार पर थुआढ़े ब्योरे दी केंदरी स्तर पर जांच कीती जाह्​ग। जेकर थुआढ़ा आवेदन सफल होई जंदा ऐ तां आधार नंबर त्यार कीता जाह्​ग ते उसी डाक आसेआ थुआढ़े पते पर भेजी दित्ता जाह्​ग।

सी.आई.डी.आर. च बसनीक दा डेटा पैकेट हासल होने दे बाद 60-90 दिनें अंदर आधार पत्र बनी जंदा ऐ। जेकर नामांकन एन.पी.आर. दे तहत करोआया गेआ ऐ तां किश मता समां बी लग्गी सकदा ऐ।

नामांकन करने दे बाद

नामांकन दे बाद, नामांकन केंदर सुपरवाईजर आसेआ क्वालिटी चैक कीता जंदा ऐ। उसदे बाद सुधार प्रक्रिया कीती जंदी ऐ (जित्थै कुतै जरूरत होंदी ऐ) ते डेटा पैकेट गी समेकित कीता जंदा ऐ। इसदे बाद नामांकन अजेंसी आसेआ डेटा सेंटर गी भेजी दित्ता जंदा ऐ। सी.आई.डी.आर. च डेटा दी स्क्रीनिंग ते वेलीडेशन कीती जंदी ऐ। इस प्रक्रिया कन्नै डेटा दा प्रमाणीकरण जकीनी कीता जंदा ऐ। इस कन्नै एह् बी पता चली जंदा ऐ जे कोई नामांकन डुप्लीकेट ते नेईं ऐ। नागरक थमां कठेरे गेदे डेमोग्राफिक ते बायोमैट्रिक डेटा दी क्वालिटी चैक कीती जंदी ऐ। इसदे अलावा, आपरेटर/सुपरवाईजर/परिचे-दाता/नामांकन अजेंसी ते रजिस्ट्रार आसेआ हर इक पैकेट दी सूचना गी वेलिडेट कीता जंदा ऐ। क्वालिटी चैक ते होर वेलिडेशन दे पास होने पर पैकेट्टस गी डी-डुप्लीकेशन लेई भेजा जंदा ऐ ते आधार त्यार होई जंदा ऐ।

जेकर कोई त्रुटि होंदी ऐ तां पैकेट गी रोकी लैता जंदा ऐ। मसाल लेई, जेकर बसनीक दा नामांकन करने आह्​ले आपरेटर दा ब्योरा डेटाबेस दे अनुसार नेईं होए जां फोटो ते बरेस/लिंग च मिलान नेईं होए (मसाल दे तौर पर 50 ब‘रे दी बरेस दे बसनीक दे फोटो दे थाह्​र पर इक बच्चे दा फोटो प्रिंट होए) तां ऐसे मामले च अगड़ी जांच-पड़ताल लेई पैकेट गी रोक लैता जंदा ऐ। जित्थै कुतै मुमकन होंदा ऐ सुधारात्मक कार्रवाई कीती जंदी ऐ नेईं ते बसनीक गी चिट्ठी राहें सूचत कीता जंदा ऐ जे उसदा नामांकन रद़्द होई गेआ ऐ ते बसनीक गी सलाह् दित्ती जंदी ऐ जे ओह् परतियै नांमकन करोआ। भारती डाक गी आधार पत्र दी प्रिंटिंग ते डिलीवरी दी जिम्मेतदारी सपुर्द कीती गेई ऐ। बैकलाग पर निर्भर करदे होई ते डिलीवरी दी लोकेशन गी दिखदे होई, भारती डाक, आमतौर पर आधार पत्र गी प्रिंट करने ते डिलीवर करने लेईं 3-5 हफ्ते दा समां लैंदा ऐ।

जेकर आधार नामांकन एन.पी.आर. राहें होआ ऐ तां वेरिफिकेशन आर.जी.आई. आसेआ अनुमोदित एल.आर.यू.आर. (लोकल रजिस्ट्रार आफ यूजल रेजिडेंट्स) प्रक्रिया दे तहत होग।

आधार नम्बर, एल.आर.यू.आर. प्रक्रिया दे पूरा होने दे बाद गै जारी कीता जाह्​ग। इस प्रक्रिया च किश मता समां लगदा ऐ। नामांकन बेल्लै बसनीक गी नामांकन केंदर पर इक पावती दित्ती जंदी ऐ। इस पावती कन्नै बसनीक गी रजिस्ट्रेशन दी जानकारी मिली सकदी ऐ। जेकर नामांकन आर.जी.आई. आसेआ कीता गेआ ऐ तां आर.जी.आई. आफिस थमां ब्योरा हासल कीता जाई सकदा ऐ।

नामांकन कु’त्थै कीता जा?

आधार नामांकन केंदर जित्थै तुस नामांकन करी सकदे ओ।

नामांकन लेई अपनी थाह्​र सुरक्षत करो।

एह्​कड़े राज्यें/केंदर शासित प्रदेशें दे बसनीक किरपा करियै नोट करी लैन जे इ’नें राज्यें च नामांकन कारज रजिस्ट्रार जनरल आफ इंडिया दे दफ्तर आसेआ पूरा कीता जा करदा ऐ जेह्​ड़ा कि राश्ट्री जनसंख्या रजिस्ट्रर (एन.पी.आर.) त्यार करै करदा ऐ। इसलेई इ’नें राज्यें दे बसनीकें गी बक्ख थमां आधार लेई नामांकन करोआने दी लोड़ नेईं ऐ।

• राज्य: अरूणाचल प्रदेश/असम/जम्मू्-कश्मीर/मेघालय/मिजोरम/उडीसा/तमिलनाडु ते पछच्म बंगाल।
• केंदर शासित प्रदेश: अंडमान-निकोबार द्वीप समूह/दादर ते नागर हवेली ते लक्षद्वीप
• कर्नाटक दे जिले: उडिपी/गड्ग/उत्तर–कन्नड़/हवेरी/दावागेरे/बंगलौर ग्राई चिकबालापुर ते कोडागु

होर राज्य (केंदर शासित प्रदेश/जिले) दे बसनीक, किरपा करियै नोट करन जे उनेंगी यू.आई.डी.ए.आई. दे अंतर्गत नामांकन करोआने दी जरूरत नेईं ऐ। जेकर उनें एन.पी.आर. दे तहत अपना नामांकन पैह्​ले थमां गै करोआई लैते दा ऐ।

स्त्रोत : भारती खास पंछान प्राधिकरण, भारत सरकार