অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

सुरक्षत पीओएस सिस्टम

बिक्री केंदर

बिक्री (पीओएस) पाइंट ओह् थाह्​र ऐ, जित्थै खुदरा लेनदेन होंदा ऐ ते बपारी ग्राहक दी बकाया रकम दी गिनती करदे न। रकम गी इंगित करदे न। ग्राहक लेई क इनवाइस त्यार होंदा ऐ, ते ग्राहक भुगतान करने लेई विकल्पें दा चुनांऽ करदे न। एह् क मौका बी होंदा ऐ जित्थै ग्राहक सामान दी अदला-बदली जां सेवा उपलब्ध कराने दे बदले च बपारी गी भुगतान करदा ऐ। भुगतान दे बाद बपारी लेनदेन दी क प्रिंट कीती दी रसीद जारी करदा ऐ, पर जेह्​ड़ी नमीं तकनीक औने करी तेजी कन्नै चलन थमां बाह्​र होंदी जा करदी ऐ।

पीओएस सिस्टम हार्डवेयर ते साफ्टवेयर कन्नै मिलियै बने दा क डिवाइस ऐ जेह्​ड़ा हार्डवेयर गी हासल जानकारी दे बरतून दा हुक्म दिंदा ऐ। उपभोक्ता क पीओएस सिस्टम पर मैग्नेटिक स्ट्रिप पर कठेरित जानकारी आह्​ले क्रेडिट जां डेबिट कार्ड दी बरतून करदे न। उस जानकारी दी स्टोरज ते प्रोसेशन स्वाइप कीती गेदी डिवाइस आसेआ होंदा ऐ। मैग्नेटिक स्ट्रिप पर स्टोरज डेटा ट्रैक 1 ते ट्रैक 2 डेटा दे रूप च संदर्भत होंदा ऐ। ट्रैक 1 डेटा असली खाते कन्नै सरबंधत जानकारी ऐ ते इस च नांऽ कन्नै कार्ड धारक दी खाता संख्या बी होंदी ऐ। ट्रैक 2 डेटा च क्रेडिट कार्ड नंबर ते मन्याद खत्म होने जनेहियां जानकारियां होंदियां न।

पीओएस लेई खतरे

स्किमिंग

स्किमिंग पंछान चोरी करने आसेआ पीड़ित दी निजी जानकारी थमां हासल करने दी क इलेक्ट्रानिक कारज प्रणाली ऐ। स्किमर मैग्नेटिक स्ट्रिप ते डेबिट/क्रेडिट कार्ड पर स्टोरज जानकारी गी स्कैन करने आह्​ला क निक्का डिवाइस ऐ। बपार च वैध लेनदेन दरान स्किमिंग गी बरतून च आह्​नेआ जाई सकदा ऐ।

पीओएस मालवेयर

पाइंट-आफ-सेल मालवेयर(पीओएस मालवेयर) साइबर क्रिमिनल आसेआ डिवाइस मेमोरी दी रीडिंग कन्नै क्रेडिट ते डेबिट कार्ड दियां जानकारियां हासल करने च बरतेआ जाने आह्​ला क मेलिशियस साफ्टवेयर ऐ जेह्​ड़ा सेल सिस्टम दे रिटेल आउटलेट पर बरतून च आह्​नेआ जंदा ऐ ते जिस च पाइंट-आफ-सेल टर्मिनल टारगेट पर होंदे न।

उत्कृश्ट कोशिशां

पीओएस प्रणाली दे मालकाना हक ते संचालक दित्ती गेदियें उत्कृश्ट कोशिशें गी अपनाइयै पीओएस सिस्टम दी सुरक्षा गी बधाने दे कन्नै-कन्नै गैर अधिकृत एक्सेस गी रोकेआ जाई सकदा ऐ।

संगठन/सेवा प्रदाताएं लेई

  • पीओएस साफ्टवेयर ऐपलीकेशन गी अपडेट करो: म्हेशां पीओएस सिस्टम कन्नै पीओएस ऐपलीकेशन साफ्टवेयर गी बी अपडेट करदे रवो।
  • ऐंटीवायरस दी बरतून: पीओएस नेटवर्क च प्रभावकारी होने कन्नै एह् सलाह दित्ती जंदी ऐ जे लगातार ऐंटीवायरस प्रोग्राम गी अपडेट करदे रवो।
  • फायरवाल इंस्टाल करो: बाह्​री हमले थमां पीओएस सिस्टम दा बचाऽ करने च फायरवाल गी बरतना चाहिदा ऐ। फायरवाल हैकर्स, वायरस वोर्म्स जां कुसै बी चाल्लीं दे मालवेयर खास करियै पीओएस सिस्टम कन्नै समझौता करने जनेह् ट्रैफिक दी स्क्रीनिंग करियै निजी नेटवर्क आह्​ली बक्खी होने आह्​ले हमले जां कुसै बी चाल्ली दे गैर अधिकृत एक्सेस थमां बचाऽ करदे न।
  • इंटरनेट एक्सेस गी रोको: राउटर विन्यास पर एक्सेस लिस्ट गी कंट्रोल करियै पीओएस डिवाइस पर औने आह्​ले गैर अधिकृत ट्रैफिक गी रोको।
  • रिमोट एक्सेस गी रोको: साइबर क्रिमिनल पीओएस सिस्टम पर रिमोट एक्सिस विन्यास दी गल्त बरतून करियै इ’नें नेटवर्क गी हासल करदे न। पीओएस सिस्टम पर इस चाल्ली दे गैर अधिकृत एक्सेस रोकने लेई म्हेशां पीओएस नेटवर्क पर रिमोट एक्सेस गी मंजूरी नेईं देओ।
  • सभनें लागें दी समीक्षा करो: पीओएस उपलब्ध कराये गेदे संगठनें ते बपारियों गी रोज होने आह्​ले कुसै बी अजनबी के अस्पश्ट लग्गने आह्​ली गतिविधियें गी जांचने लेई सिस्टम दे सभनें लागें दी नरंतर समीक्षा करदे रौह्​ना चाहिदा ऐ।
  • सब्भै पब्लिक ते ओपन नेटवर्क च कार्ड होल्डर डेटा ट्रांसमिशन इंक्रिप्टेड रूप च करो।

बपारियें लेई

  • पीओएस साफ्टवेयर ऐपलीकेशन गी अपडेट करो। म्हेशां पीओएस सिस्टम कन्नै पीओएस ऐपलीकेशन साफ्टवेयर गी बी अपडेट करदे रवो।
  • सभनें लागें दी समीक्षा करो: पीओएस उपलब्ध कराये गेदे संगठनें ते बपारियें गी रोज होने आह्‌ली कुसै बी अजीब ते अस्पश्ट लगने आह् ली गतिविधि गी जांचने लेई सिस्टम दे सभनें लागें दी नरंतर समीक्षा करदे रौह् ना चाहिदा ऐ।
  • अकाउंट लाक आउट नीति: निर्धारत गल्त लागइन कोशिशें दे बाद अकाउंट गी लागिंग आउट करने दी नीति अपनाओ।
  • खुदरा विक्रेता आसेआ पीओएस सिस्टम सामान्य इंटरनेट गी एक्सेस करने च नेईं बरतना चाहिदा ऐ।
  • मजबूत पासवर्ड दी बरतून: सब्भै पीओएस डिवाइस दे मालक गी खास खाता नंबर दी बरतून ते जटिल पासवर्ड कन्नै अपने पीओएस सिस्टम दा पासवर्ड नरंतर बदलदा रौह् ना चाहिदा ऐ।
  • बपारी गी अपने इंटरनेट कनेक्शन ते वाई-फाई दी सुरक्षा जकीनी करनी चाहिदी ऐ। बपारी चांह् न तां बिल्कुल नमें ते खास लगने आह् ले नेटवर्क नांऽ दी बरतून करियै नेटवर्क गी सधारण ते अनजान बनाई सकदे न। इसदे अलावा बपारी अपने वाई-फाई दी सिगनल क्षमता गी मोड्युलेट करी सकदे न जिस कन्नै दुकान, इमारत जां बरतून दे खेत्तर च मती दूर तगर एक्सेस नेईं कीते जाई सकदे न।
  • जकीनी करो जे थुआढ़े पीओएस सिस्टम कन्नै कोई बी इलेक्ट्रानिक/मैग्नेटिक डिवाइस नेईं जुड़े दा होए। अपना पिन नंबर छपैलियै दर्ज करो।
  • कोई बी शक्क आह् ला लेनदेन होने दी स्थिति च अपने सेवा प्रदाता/ बैंक कन्नै फौरन रावता करो।

स्रोत: सूचना सुरक्षा शिक्षा ते जागरुकता, सीडैक हैदराबाद



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate