1. शिक्षा इक बुनियादी मनुक्खी अधिकार ऐ चौदां ब’रें दी बरेस तगर दे सभनें बच्चें लेई मुफ्त ते जरूरी शिक्षा दा सरिस्ता संविधानक प्रावधानें चा इक ऐ। पिछले इक दहाके च भारत ने साक्षरता दी दर च खासी तरक्की कीती ऐ ते हाल च गै मुफ्त ते जरूरी शिक्षा दे अधिकार ऐक्ट 2009 दी अमलावरी कन्नै एह्दे च सुधार होआ ऐ। 2. शिक्षा च सूचना ते संचार तकनीक शिक्षा दे खेत्तर च संचार तकनीक (आईसीटी) म्हत्तवपूर्ण भूमका अदा करदी सकदी ऐ ते खास रूप कन्नै तलीमी गतिविधियें गी मजबूत बनाने दी प्रक्रिया च बी तकनीक दा चेचा म्हत्तवपूर्ण जोगदान ऐ। आईसीटी संभावनां, तलीमी गतिविधियें गी एकीकृत करने ते सिक्खने दे म्हौल गी बधाने लेई मौका प्रदान करदियां न। 3. प्राइमरी शिक्षा प्राइमरी शिक्षा ऐसी बुनियाद ऐ जेह्दे पर देश ते एह्दे हर शैह्री दा बकास मनहस्सर करदा ऐ। हालिया ब’रें च भारत ने प्राइमरी शिक्षा च रजिस्ट्रेशन, विद्यार्थियें दी गिनती गी बरकरार रक्खने, उं’दी पाबंद हाजरी दर ते साक्षरता दे प्रसार दे संदर्भ च खासी तरक्की कीती ऐ। जित्थै भारत दी उन्नत शिक्षा पद्धति गी भारत दे माली बकास दा मुक्ख जोगदान करने आह्ला तत्व मन्नेआ जंदा ऐ, उत्थै भारत च प्राइमरी शिक्षा दा मेयार फिलहाल इक चैंता दा विशे ऐ। भारत च 14 ब’रें दी बरेस तगर दे सभनें बच्चें गी मुफ्त ते जरूरी शिक्षा देना संविधानक जिम्मेदारी ऐ। देश दी संसद ने ब’रे 2009 च ‘शिक्षा दा अधिकार ऐक्ट’ पारति कीता हा जेह्दे राहें 6 थमां 14 ब’रें दे सभनें बच्चें लेई शिक्षा इक मौलक अधिकार होई गेई ही। हालांके देश च अजें बी प्राइमरी शिक्षा गी सार्वभौम नेईं बनाया जाई सकेआ ऐ। एह्दा अर्थ ऐ बच्चें दा स्कूलें च सौ फीसदी दाखला ते स्कूलिंग स्हूलतें कन्नै लैस हर घर च उं’दी गिनती गी बरकारर रक्खना। इस्सै कमी गी पूरा करने लेई सरकार ने ब’रे 2011 च सर्व शिक्षा अभियान स्कीम दी शुरूआत कीती ही, जेह्ड़ी अपनी गै चाल्ली दी दुनिया च सभनें थमां बड्डी स्कीम ही। सूचना तकनीक दे इस युगै च सूचना ते संचार तकनीक शिक्षा खेत्तर च बंचत ते संपन्न समुदायें, खास करियै ग्राईं खेत्तरें च, मझाटले छिंडे गी घट्ट करने दी कोशिश करै करदी ऐ। भारत बकास प्रवेशद्वार ने प्राइमरी शिक्षा दे खेत्तर च भारत च मौलक शिक्षा दे सार्वभौमीकरण लेई उचत मिकदार च साजो-समान दस्तयाब करोआइयै विद्यार्थियें ते शिक्षकें दी समर्था बधाने दी पैह्ल कीती ऐ। I. बाल अधिकार बाल अधिकार अज्ज दे समें दी सभनें थमां उब्बरदी लोड़ ऐ, जेह्दे बारे च लोकें च जानकारी दी कमी ऐ। इस हिस्से च ऐसे केईं बाल अधिकारें पर चेचे रूप कन्नै ध्यान देने दा उद्देश बच्चें दे बाल अधिकारें दा हनन होने थमां रोकना ते उं’दे अधिकार सुरक्खत करना ऐ। II. नीतियां ते योजनां 6 थमां 14 ब’रें दी बरसे दे हर बच्चे गी मुफ्त ते जरूरी शिक्षा दा अधिकार ऐ। इस 86में संशोधन ऐक्ट दे अनुच्छेद 21ए गी जोड़ेआ गेआ ते इसी लागू करने लेई सरकार आसेआ कीते जा करदे जतनें दी जानकारी इस हिस्से च दित्ती गेई ऐ। III. बाल जगत मल्टीमीडिया समग्गरी दे बक्ख-बक्ख हिस्से विज्ञान खंड बगैरा रचनात्मक सोच ते सिक्खने दी प्रक्रिया च बच्चें च सक्रिय हिस्सेदारी दी हौसला-हफजाई करदे न। इस्सै चाल्ली दे केईं होर उदाहरणें गी इस हिस्से च पेश कीता गेआ ऐ। IV. शिक्षक मंच शिक्षण ते अधिगम प्रक्रिया दियां केईं म्हत्तवपूर्ण गल्लां शिक्षार्थी जीवन च इस प्रक्रिया दी जरूरत सिद्ध करदियां न। बक्ख-बक्ख हुनरें कन्नै शिक्षक दी विद्यार्थियें दे ब्यहार ते सिक्खने दे तजरबे दे कन्नै सबूरे बकास च केह्ड़ी किस्म दी भूमका होंदी ऐ- एह्दी संखेपी जानकारी एह् हिस्सा दिंदा ऐ। V. आनलाइन मूल्यांकन एह् हिस्सा आनलाइन मूल्यांकन दे अंतर्गत वेब संसाधनें ते स्रोतें दी मदाद कन्नै गणित, विज्ञान, भूगोल दी आप-मूल्यांकन प्रक्रिया गी दर्शांदे होई राज्य, उं’दी राजधानियें ते भारत दी नदियें दे नाऽ ते उं’दी खासियतें दे बारे च जानने दा मौका दिंदा ऐ। VI. शिक्षा आह्ली भेठा रुझान दी पैह्ल इस हिस्से च इक थमां मते हुनरें दे सिद्धांत दी व्याख्या करदे होई बुद्धि दी बक्ख-बक्ख किस्में (शाब्दिक, तार्किक बगैरा) दे बारे च गार्नर दे मनोविज्ञानक सिद्धांत गी पेश कीता गेआ ऐ। एह् हिस्सा दस्सदा ऐ जे हर माहनू दी सिक्खने दी शैली, शिक्षा च एह्दी बरतून कन्नै स्कूल च इक थमां मते हुनर दे सिद्धांत अपनाने दे केईं लाह् न। VII. कैरियर रैह्बरी कैरियर रैह्बरी कन्नै भविक्ख गी बेह्तर ढंगै कन्नै अकार देने च मदद थ्होंदी ऐ। एह् हिस्सा पाठकें गी दस्तयाब बक्ख-बक्ख अध्ययन ते 10मीं जमात, ग्रैजुएट दे बाद थ्होने आह्ले रुजगार दे मौकें दी जानकारी दे कन्नै एह्दे कन्नै जुड़ी दी होर म्हत्तवपूर्ण जानकारियें गी जानने दा मौका दिंदा ऐ। VIII. कंप्यूटर लिंक इस हिस्से च बक्ख-बक्ख विशे तुसेंगी सूचना ते तकनीक दी जानकारी च बढ़ोतरी करदे होई ओह्दे राहें समर्था निर्माण च ओह्दे राहें होने आह्ले म्हत्तवपूर्ण जोगदान दी जानकारी दिंदे न। IX. संसाधन लिंक एह् हिस्सा शिक्षा खेत्तर च लाहकारी सरकारी, आलमी संसाधन, सखलाई ते लैन-देन जोग संसाधन, बाल अधिकार ते प्रचार संसाधन बगैरा दी जानकारी दिंदे होई शिक्षा समाचार स्रोत दी जरूरत दस्सदे होई इस खेत्तर च रुज्झे दे अंतरराश्ट्री अजैंटें गी बी जानने दा मौका दिंदा ऐ। X. चर्चा मंच शिक्षा दा चर्चा मंच शिक्षा कन्नै जुड़े दे बक्ख-बक्ख विशें पर तुसेंगी अपने बचार पेश करने दे कन्नै होरनें कन्नै अपने बचारें ते जानाकरियें गी सांझा करने दा मौका बी दिंदा ऐ।