डेरी खेत्तर लेई ब्याज सब्सिडी योजना दा लाह् डेरी खेत्तर पर कोविड-19 दे माली असर गी घट्ट करने लेई मच्छीपालन, पशुपालन ते डेरी खेत्तर दी गतिविधियें च रुज्झे दी सैह्कारी कमेटियें करसान उत्पादक संगठनें (एसडीसी ते एफपीओ) गी मदाद देने लेई डेरी खेत्तर लेई कारजशील पूंजी लोन पर ब्याज सब्सिडी नाऽ दी नमीं योजना दी शुरुआत कीती ऐ। एह् योजना राश्टी डेरी बकास बोर्ड (एनडीडीबी), आनंद दे राहें लागू कीती जाह्ग। अमलावरी दी मेयाद एह् योजना 2020-21 दे दरान लागू कीती जानी ऐ। हासलकर्ता पात्तर डेरी सैहकारिता कमेटियां ते करसानें दी मलकियत आह्लियां दुद्द कपंनियां लाह् दुद्द गी उपयोगी ते संरक्षत उत्पाद ते होर दुद्द उत्पाद बनाने आह्ली सैह्कारी कमेटियें ते करसानें दी मलकियत आह्ली दुद्द उत्पादाक कंपनियें दी कराजशील पूंजी दी जरूरतें गी पूरा करने लेई, 1 अप्रैल 2020 थमां 31 मार्च 2021 दे दरान अनुसूचित तजारती बैंक/आरआरबी/सैह्कारी बैंक/माली संस्थान थमां लैती गेई कारजशील पूंजी लोन पर ब्याज सब्सिडी दित्ती जाह्ग। इस योजना च 2 फीसद प्रति ब’रे दी दर कन्नै ब्याज सब्सिडी दा सरिस्ता कीता गेआ ऐ, जेह्दे च तौले ते समें पर मुड़-भुगतान/ब्याज सेवाएं दी स्थिति च हर ब”रे 2 फीसद दी लाह् दी बाद्धू सब्सिडी दित्ते जाने दा सरिस्ता ऐ। राबता करो होर मती जानकारी लेई किरपा करियै अपने नेड़में बैंक कन्नै जां एनडीडीबी कन्नै राबता करो। स्रोत : मच्छीपालन, पशुपालन ते डेरी मंत्रालय।