प्रधानमंत्री करसान मान-धन जोजना सरकार आसेआ 12 सतंबर, 2019 गी प्रधानमंत्री करसान मान-धन योजना (PM-KMY) दी शुरूआत कीती गेई। इस योजना गी शुरू करने दा उद्देश देश दे सभनें लौह्के ते सीमांत जोत आह्ले करसानें गी समाजक सुरक्षा प्रदान करना ऐ। थ्होने आह्ले लाह् इस स्कीम दे तैह्त सारे जोगता हासल लौह्के ते सीमांत करसानें गी 3,000 रपेऽ दी नरधारत पैंशन दित्ती जाह्ग। करसानें गी 55 थमां 200 रपेऽ प्रति माह् दे दरम्यान पैंशन फंड च हिस्सा जमा करना होग। एह् हिस्सा 60 ब’रे दी बरेस पूरी होने तगर (रटैरमेंट दी तरीक तगर) जमा करना होग। केंदर सरकार, पैंशन फंड च हिस्सा पाने आह्ले आसेआ जमा कीती गेई रकम दे बरोबर दी रकम अपनी भेठा दा जमा करग। जोगता · जेह्ड़े करसान 18 ब”रे ते 40 ब’रे दी बरेस दे न ओह् इस स्कीम गी अपनाने लेई पात्तर न। · लौह्के ते सीमांत करसान (SMF)- ओह् करसान जिं’दे कोल सरबंधत राज्य/केंदर शासित प्रदेश च जमीन रिकार्ड दे अनुसार 2 हेक्टेयर तगर खेती काबिल जमीन ऐ। जोगतां पूरियां नेईं करने आह्ला · कुसै बी होर समाजक सुरक्षा योजनां जि’यां राश्ट्री पैंशन योजना (एनपीएस), कर्मचारी राज्य बीमा निगम, कर्मचारी कोश संगठन बगैरा दे अंतर्गत शामल एमएसएफ। · प्रधानमंत्री श्रम श्रम योजना (PM-SYM) श्रम ते रुजगार मंत्रालय आसेआ चुने गे करसान। · श्रम ते रुजगार मंत्रालय आसेआ चलाई जा करदी प्रधानमंत्री लौह्के बपारी मान-धन योजना (PM-LVM) गी अपनाने आह्ले करसान। · एह्दे अलावा, उच्ची माली स्थिति आह्ले लाभार्थियें गी हेठ दित्तियां जा करदियां कोटियां योजना दे तैह्त लाह् लेई पात्तर नेईं होङन: o सारे संस्थागत जिमीं धारक ते o संविधानक औह्दें दे साबका ते मजूदा धारक o साबका ते मजूदा मंत्री/राज्य मंत्री ते लोकसभा/राज्यसभा/राज्य विधानसभा/राज्य विधानसभा दे साबका/मजूदा सदस्य, नगर निगमें दे साबका ते मदूदा मेयर, जि’ला पंचैतें दे साबका ते मजूदा प्रधान o केंदर/राज्य सरकार दे मंत्रालय/दफतर/विभाग ते उं’दियां खेत्तरी इकाइयां, केंदर जां राज्य दे सार्वजनक उपक्रमें ते सरबंधत दफतर/सरकार दे कन्नै-कन्नै मकामी संस्थाएं दे पाबंद जां रटैर अधिकारी ( मल्टी टास्किंग स्टाफ/वर्ग IV/ग्रुप डी दे मलाजमें गी छोड़ियै) o अंतम मूल्यांकन ब’रे च इनकम टैक्स भरने आह्ले सब्भै माह्नू o पेशेवर डाक्टर, इंजीनियर, वकील, चार्टर्ड अकाउंटेट ते पेशेवर संस्थाएं कन्नै रडिस्टर्ड ते कारज करै करदे आर्किटेट। दरखास्त कि'यां करचै · जोगता हासल करसान जेह्ड़े इस स्कीम दा लाह् हासल करना चांह्दे न ओह् कामन सेवा केंदर (सीएससी) च जाइयै इस स्कीम दा लाह् हासल करी सकदे न। उ’नेंगी अपने कन्नै आधार लिंक बैंक दी पासबुक ते जिमीं जोत दी कापी दा ब्योरा लेई जाना होग। रजिस्ट्रेशन लेई विकल्पी होर स्हूलतां पीएम-करसान स्टेट नोडल अफसर जां कुस होर तरीके कन्नै जां आनलाइन रजिस्ट्रेशन दी स्हूलत बी दस्तयाब करोआई जाह्ग। इस स्कीम दे सैहत सीएससी केंदर पर रजिस्ट्रेशन फीस 30 रपेऽ लैती जंदी ऐ ते करसानें गी रजिस्ट्रेशन लेई सीएससी केंदर पर भुगतान करना होग। सीएससी पर रजिस्ट्रेशन दी अपनी सीएससी गी जानने लेई इत्थै क्लिक करो। · योजना च नामजदगी आनलाइन रजिस्ट्रेशन दे राहें बी कीती जाई सकदा ऐ ते एह् नामजदगी मुफ्त ऐ। आनलाइन रजिस्ट्रेशन दे राहें खुद नामजदगी लेई इत्थै क्लिक करो। होर मती जानकारी लेई इत्थै दिक्खो पीएम-केएमवाई पोर्टल