मछेरें दी बेह्तरी लेई राश्ट्री योजना उद्देश केंदर प्रायोजत मच्छेरें दी बेह्तरी लेई राश्ट्री योजना दी कल्पना मच्छेरें दी होर जरूरतें दे अलावा घर बनाने लेई माली मदाद देना ऐ। रिहाश लेई, जि’न्ना मुमकन होई सकै राज्य सरकारां सभनें ग्राएं च जोगता हासल मच्छेरें दी तदाद दे अनुपात च घरें दी बरोबर बंड जकीनी करी सकदियां न। स्तंभ खेत्तर ते 35 वर्ग मीटर आह्ले घर दी निर्माण दी लागत 40,000 रपेऽ तगर सीमत होग। जमीन दी उच्चतम सीमा ते निर्माण दी लागत उप्परली सीमा गी दस्सदी ऐ। राज्य सरकार योजना बनाइयै ते दस्तयाब संसाधनें दी बाद्धू बरतून गी जकीनी करी सकदी ऐ तां जे बजट दी रकम दे अनुसार मती गिनती च घर बनाए जाई सकन। थ्होने आह्ले लाह् समुंदर ते अंतर-देशी खेत्तर आह्ले मछेरे योजना दे तैह्त लाह् हासल करी सकदे न। इ’नें संसाधनें दे बकास लेई जमीन सरबंधत केंदर शासित प्रदेशें ते राज्यें आसेआ दित्ती जाह्ग। दित्ती जा करदी स्हूलतें लेई राज्य ते केंदर सरकार इ’नें स्हूलतें दी लागत गी सांझा करङन। जोगता योजना दे तैह्त घरें दी बंड च लाभार्थियें दा चुनां करदे बेल्लै राज्य आसेआ दित्ते जा करदे मानदंडें दा पालन होना चाहिदा: · लाभार्थी राज्य सरकार आसेआ नरधारत सक्रिय मच्छेरा होना चाहिदा। · भूमिहीन ते गरीबी रेखा दे हेठ रौह्ने आह्ले मच्छेरें गी तरजीह् दित्ती जानी चाहिदी। · इस योजना दे तैह्त घरें दी बंड लेई मच्छेरें दी जमीन जां कच्चे ढांचें पर बी बचार कीता जाई सकदा ऐ। दरखास्त कि'यां करचै एह् योजना सरबंधत राज्यें ते केंदर शासित प्रदेशें आसेआ लागू कीती जानी ऐ। राबता करो सरबंधत राज्य दे पशुपालन, डेरी ते मच्छीपालन विभाग कन्नै राबता करो। होर मती जानकारी लेई इत्थै क्लिक करो।