पशुपालन बुनियादी-ढांचा बकास फंड सरकार डेरी दे सैह्कारी खेत्तर च डेरी बुनियादी-ढांचा बकास दे राहें निवेश गी हौसला-हफजाई देने लेई केईं योजनां लागू करै करदी ऐ। एएचडीआइएफ गी एमएसएमई दे रूप च स्थापत कीता गेआ ऐ ते निजी कंपनियें गी बी प्रसंस्करण ते मूल्य बधाने आह्ले बुनियादी ढांचे च उं’दी हिस्सेदारी लेई बढ़ावा देने ते हौसला हफजाई देने दी लोड़ ऐ। लाभार्थी करसान उत्पादक संगठन (एफपीओ), एमएसएमई, धारा 8 दे अंतर्गत औने आह्लियां कंपनियां, निजी कंपनियां ते निजी कारोबारी इस योजना दा लाह् हासल करने लेई पात्तर होङन। थ्होने आह्ले लाह् · लाभार्थी गी निवेश दे रूप च घट्टोघट्ट 10 फीसद मार्जिन मनी दा योगदान करना होंदा ऐ। बाकी 90 फीसद अनुसूचित बैंकें आसेआ कर्ज दे रूप च दस्तयाब करोआई जाह्ग। · भारत सरकार आसेआ पात्तर लाभार्थी गी 3 फीसद ब्याज सब्सिडी दित्ती जाह्ग। · मूल लोन रकम पर 2 ब’रे दी मोह्लत मेयाद ते ओह्दे बाद 6 ब’रे दी मुड़-भुगतान करने दी मेयाद होग। · एमएमएमई आसेआ नरधारत सीमा दे अंतर्गत औने आह्ली मंजूरशुदा योजनाएं गी क्रेडिट गारंटी फंड दी बक्खी दा क्रेडिट गारंटी दस्तयाब करोआई जाह्ग। दित्ती जाने आह्ली गारंटी दुहारकर्ता दी क्रेडिट स्हूलत दा 25 फीसद तगर होग। दरखास्त कि’यां करचै डेरी ते मांस प्रसंस्करण ते मूल्य वर्धित बुनियादी ढांचे दी स्थापना जां मजूदा बुनियादी ढांचे च बढ़ोतरी लेई निवेश करने आह्ले इच्छक लाभार्थी SIDBI दे उद्यमी मित्तर पोर्टल थमां अनुसूचित बैंक च लोन लेई दरखास्त करी सकदे न। योजना सरबंधी सभनें दिशा-निर्देशें गी जानने लेई इत्थै क्लिक करो।