आपरेशन ग्रीन ( टाप थमां टोटल) खाद्य प्रसंस्करण उद्योग मंत्रालय (MoFPI) आसेआ आत्म-निर्भर भारत अभियान दे इक हिस्से दे रूप च आपरेशन ग्रीन योजना गी टमाटर, गंढा ते आलू (टाप) गी सभनें फलें ते सब्जियें (टोटल) तगर बस्तारत करियै पायलट अधार पर छे म्हीनें दी मेयाद लेई बधाया गेआ। उद्देश इस गतिविधि दा उद्देश फल ते सब्जी उत्पादकें गी लाकडाउन दी बजह् कन्नै होने आह्ली बिक्री दे संकट थमां बचाना ते फसले पर होने आह्ले नुकसान गी घट्ट करना ऐ। योजना च शामल फसलां · फल- अंब, केला, मरूद, कीवी, लीची, पपीता, अनानास, नार, कटहल · सब्जियां- बीन्स, करेला, पट्ठा, शिमला मिर्च, गाजर, फुल्लगोभी, मिर्च (हरी), भिंडी, गंढा, आलू ते टमाटर · राही-बाही मंत्रालय जां राज्य सरकार दी सफारश पर कुसै होर फल/सब्जियें गी इस फेरिस्त च भविक्ख च जोड़ेआ जाई सकदा ऐ (योजना दे तैह्त शामल फसल, चोनमें बचत समूह् ते ट्रिगर मुल्ल गी जानने लेई किरपा करियै इत्थै क्लिक करो) योजना मेयाद नोटिफिकेशन दी तरीक थमां छे म्हीने दी मेयाद लेई जि’यां कि 11/06/2020। जोगता हासल इदारे खाद्य प्रसंस्करण, एफपीओ/एफपीसी, सैह्कारी कमेटियां, निजी करसान, लसैंस हासल कमीशन अजैंट, निर्यातक, राज्य तजारत/सैह्कारी संघ, खुदरा विक्रेता बगैरा जेह्ड़े फलें ते सब्जियें दे प्रसंस्करण/तजारत च रुज्झे दे न। मदाद दा तरीका · मंत्रालय लागत मानकें दे आधार पर हेठ दित्ती जा करदे द’ऊं घटकें दी लागत दी 50 फीसद तगर सब्सिडी देग। · बचत उत्पादन केंदर थमां खपत केंदर तगर शामल फसलें दा ट्रांसपोर्ट ते/जां शामल फसलें लेई उचत भंडारण स्हूलतें दी बवस्था करना (बद्धोबद्ध 3 म्हीने लेई) दरखास्त कियां करचै · सब्सिडी लेई दावे जमा करना – उप्पर दित्ते गे मानदंडें दा पालन करने आह्ले जोगता इदारे खाद्य प्रसंस्करण उद्योग मंत्रालय (MoFPI) थमां बिना कुसै पैह्लें दी इजाजत दे नोटिफाइड बचत उत्पादन समूह् थमां नोटिफाइड फसलें दा ट्रांसपोर्ट ते/जां भंडारण दा कारज करी सकदे न ते बाद च आनलाइन पोर्टल पर अपने भुगतान दावे भरी सकदे न। · दरखास्ती दा फल ते सब्जियें दा ट्रांसपोर्ट/भंडारण करने थमां पैह्ले पोर्टल पर रडिस्ट्रेशन होना चाहिदा। रजिस्ट्रेशन लेई किरपा करियै (इत्थै क्लिक करो)। आपरेशन ग्रीन लेई आनलाइन दरखास्त जमा करने दी अंतम तरीक 31 जुलाई, 2020 गी 11:59 बजे जां ओह्दे थमां पैह्ले तगर ऐ। स्रोत: खाद्य प्रसंस्करण उद्योग मंत्रालय (MoFPI) ।