मुक्खमंत्री कन्या ब्याह् योजना उद्देश मध्यप्रदेश सरकार आसेआ गरीब, लोड़मंद, बे-स्हारा/गरीब परिवार दी गरीब ते मजूर वर्ग दी योजनाएं दे अंतर्गत रजिस्टर्ड हासलकर्ताएं दे परिवार दी ब्याह् योग कुड़ी/विधवा/ब्याह् बाद छोड़ी गेदी महिला दे ब्याह् बेल्लै आर्थक मदाद दस्तयाब करोआना ऐ। जोगता कुड़ी/कुड़ी दे सरप्रस्त मध्यप्रदेश दे मूल बसनीक होन। कुड़ी लेई 18 ब’रे ते पुरश लेई 21 ब’रे दी बरेस पूरी होई गेई होए। लाह् कुड़ियें दी गृहस्थी दी स्थापना लेई 48,000 रपेऽ कुड़ी दे खाते च जमा करोआए जंदे न ते समूहक ब्याह् प्रोग्राम आयोजत करने आह्ली संस्था जि’यां नग्गर संस्था, पंचैत गी ब्याह् दे आयोजन दे खर्चे लेई 3000 रपेऽ, कुल्ल 51,000 रपेऽ दित्ते जाने दा प्रावधान ऐ। प्रक्रिया नरधारत दरखास्त पत्तर च दरखास्त ग्राईं खेत्तर च ग्रां पंचैत/पंचैत हलका, शैह्री खेत्तर च नगर निगम/नगर पालिका/नगर परिशद दे दफतर च लोड़चदे रिकार्ड कन्नै जमा कराओ। मंजूरी लेई औह्दाधारी अधिकारी ग्राईं खेत्तर- मुक्ख कारजकारी अधिकारी, हलका पंचैत शैह्री खेत्तर- कमीश्नर, नगर निगम मुक्ख नगर पालिका अधिकारी।