कालेज ते यूनिवर्सटी दे विद्यार्थियें लेई बजीफा उद्देश इस योजना दा उद्देश हुश्यार विद्यार्थियें गी उच्च शिक्षा हासल करने दे दरान अपने रोजमर्रा दे खर्चें गी पूरा करने लेई माली मदाद देना ऐ। लाह् केंदरी खेत्तर दी बजीफा योजना हायर सकैंडरी मतेहानें दे नतीजें दे अधार पर दित्ती जाह्ग; हर ब’रे कालेजें ते यूनिवर्सटियें च ग्रैजुऐशन/पोस्ट ग्रैजुऐशन पढ़ाई ते डाक्टरी, इंजीनियरिंग बगैरा जनेह् पेशेवर कोर्सें लेई 82,000 नमें बजीफे (जागतें लेई 41,000 ते कुड़ियें लेई 41000) दित्ते जाङन। जोगता 10+2 पद्धति दी 12मीं जमातै दे बोर्ड मतेहानें च सरबंधत विशें 80 फीसद थमां मते नंबर हासल करने आह्ले विद्यार्थी जां तकनीकी शिक्षा, यूजीसी ऐक्ट 1956, मेडिकल काउंसिल आफ इंडिया, डैंटल काउंसिल आफ इंडिया ते सरबंधत नियामक अथार्टी आसेआ मानता हासल कालेज/इदारें च रेगुलर कोर्स (चिट्ठी-पत्तर जां दरेडे मोड राहें नेईं) च पढ़ै करदे विद्यार्थी ते राज्य आसेआ चलाई जा करदी बजीफा योजनाएं/फीस छूट ते प्रतिपूर्ति योजना सनें कुसै बी होर बजीफा योजना दा लाह् नेईं हासल करै करदे इस योजना दे पात्तर न। डिप्लोमा कोर्स करने आह्ले विद्यार्थी इस योजना दे पात्तर नेईं न। दरखास्त कि'यां करचै दरखास्त नेशनल स्कालरशिप पोर्टल दा राहें जमा कीती जाई सकदी ऐ राबता करो उच्च शिक्षा विभाग