प्रधानमंत्री मुद्रा योजना उद्देश प्रधानमंत्री मुद्रा योजना (PMMY) भारत सरकार (GoI) आसेआ मुद्रा(MUDRA) (सिडबी दी इक सहायक) दे राहें स्थापत कीती गेई योजना ऐ जेह्ड़ी लौह्के कारोबारियें गी 10 लक्ख रपेऽ तगर दे लौह्के लोन दी स्हूलत देने च मदद करदी ऐ। मुद्रा गैर-कारपोरेट, औंदन पैदा करने आह्ली सूक्ष्म ते लघु गैर करसान्नी खेत्तर दी इकाइयें लेई लोन दा बस्तार करने लेई मध्यवर्ती माली संस्थाएं दी मदद करदा ऐ। 10 लक्ख रपेऽ तगर दी लोड़ लेई)। लाह् दरखास्ती सूक्ष्म इकाई/कारोबारी दी बढ़ोतरी/बकास ते वित्त पोशण दी जरूरतें दे गेड़ गी दर्शाने लेई साख गी शिशु, कशोर ते तरुण दा नाऽ दित्ता गेआ ऐ। जेह्ड़े बढ़ोतरी/बकास दे गेड़ ते लाह हासल कर्ता सूक्ष्म इकाई/ बपारी दी फंड सरबंधी जरूरतें दा सूचक न। कन्नै गै ओह् बकास/बढ़ोतरी दे अगले गेड़ दा बी शारा करदा ऐ। इंदियां सीमां इस चाल्ली न:- शिशु: 50,000 रपेऽ तगर दे लोन लेई (एह् गेड़ उ’नें बपारियें दी जरूरत गी पूरा करग जेह्ड़े मुंढले गेड़ च न जां जि’नें अपना बपार शुरू करने लेई घट्ट रकम दी लोड़ ऐ।) कशोर : 50,000 रपेऽ थमां मते ते 5 लक्ख रपेऽ तगर दे लोन (ओह् बपारी जि’नें अपना बपार पैह्लें गै शुरू करी दित्ते दा ऐ ते अपने बपार दा बस्तार करने लेई बाद्धू रकम चांह्दे न) तरुण : 5 लक्ख रपेऽ थमां 10 लक्ख रपेऽ तगर दे लोन लेई ( जेकर कोई बपारी जरूरी जोगता शर्तें गी पूरा करदा ऐ, तां ओह् 10 लक्ख रपेऽ तगर दा लोन हासल करी सकदा ऐ। एह् रकम बद्धोबद्ध होग। बपारी स्टार्टअप लोन लेई दरखास्त करी सकदा ऐ। दुहार शर्तां भारती रिजर्व बैंक आसेआ इस सरबंध च समें-समें पर जारी दिशा निर्देश होंदियां न। जोगता · भारत दा कोई बी नागरक जेह्दे गैर-करसान्नी खेत्तर दी औंदन हासल करने दियां गतिविधियां जि’यां विनिर्माण, प्रसंस्करण, बपार जां सेवा खेत्तर आह्ली बपार योजना होए ते जेह्दी लोन-जरूरत 10 लक्ख रपेऽ थमां घट्ट होए, ओह् प्रधानमंत्री मुद्रा योजना (पीएमएमवाई) दे अंतर्गत मुद्रा लोन हासल करने लेई कुसै बैंक, अल्प वित्त संस्था जां गैर बैंकिग माली कंपनी कन्नै राबता करी सकदा ऐ। · पीएमएमवाई दे अंतर्गत लोन लैने लेई लोन देने आह्ली अजैंसी दे आम नियमें ते शर्तें दा पालन करना। दुहार दी दर भारती रिजर्व बैंक आसेआ इस सरबंध च समें-समें पर जारी दिशा निर्देश अनुसार होंदियां न। दित्ते जा करदे बपार चा होना चाहिदा: · लघु विनिर्माण उद्यम · दकानदार · कारीगर · फल ते सब्जी बेचने आह्ला · करसान्नी कन्नै सरबंधत गतिविधियां, मसाल दे तौर पर मच्छी पालन, मधुमक्खी पालन, मुर्गी पालन, पशुधन, पालन, ग्रेडिंग, छंटाई, कठेरीकरण, करसान्नी उद्योग, डेरी, मच्छी पालन, राही-बाही ते करसान्नी बपार केंदर, खाद्य ते राही-बाही प्रसंस्करण बगैरा ( फसल लोन गी छोड़ियैस नैहर, सिंचाई ते खूह् जनेह् जिमीं सुधार) दरखास्त कि’यां करचै पात्तर लाभार्थी उद्योगमित्तर पोर्टल पर मुद्रा लोन लेई आनलाइन दरखास्त करी सकदे न। मदाद लेई टोल फ्री नंबर- 18001801111/1800110001 पर काल करो। राबता करो मुद्रा योजना दे अंतर्गत लोन सिर्फ बैंकें ते लोन संस्थानें दे राहें हासल कीता जाई सकदा ऐ, एह्दे च शामल न: · सार्वजनक खेत्तर दे बैंक · निजी खेत्तर दे बैंक · राज्य आसेआ चलाए जा करदे सैह्कारी बैंक · प्रादेशक खेत्तर दे ग्राईं बैंक · सूक्ष्म वित्त दी स्हूलत देने आह्ले संस्थान · बैंकें दे अलावा होर माली कंपनियां होर मती जानकारी लेई दिक्खो जां क्लिक करो https://www.mudra.org.in/