स्टैंड-अप-योजना 05 अप्रैल 2016 च शुरू कीती गेई इस (स्टैंड-अप इंडिया योजना) दा उद्देश बैंकें राहें अनुसूचित जाति/अनुसूचित जनजाति दी उद्यमी महिलाएं गी माली मदाद देना हा। उद्देश स्टैंड-अप इंडिया योजना दा उद्देश हर बैंक शाखा राहें घट्ट थमां घट्ट इक अनुसूचित जाति जां अनुसूचित जनजाति दे दुहारकर्ता ते इक महिला दुहारकर्ता गी नमीं (ग्रीनफील्ड) परियोजना दी स्थापना लेई 10 लक्ख रपेऽ थमां 1 करोड़ रपेऽ दे दरम्यान लोन देना ऐ। एह् उद्यम विनिर्माण, सेवा जां बपार दे खेत्तर कन्नै सरबंधत होई सकदे न। गैर-माह्नू उद्यम दे मामले च, 51 फीसद शेयरधारिता च नियंत्रक हिस्सेदारी अनुसूचित जाति/अनुसूचित जनजाति जां महिला उद्यमी दे कोल होनी चाहिदी। जोगता · अनुसूचित जाति/अनुसूचित जनजाति ते/जां महिला उद्यमी जिं’दी बरेस 18 ब’रें थमां मती ऐ। · योजना दे अंतर्गत मदाद सिर्फ नमीं (ग्रीनफील्ड) परियोजनाएं लेई दस्तयाब ऐ। इस योजना दे संदर्भ च, नमीं (ग्रीनफील्ड) परियोजना दा अर्थ ऐ- लाभार्थी दा विनिर्माण जां सेवा खेत्तर जां बपार खेत्तर च पैह्ली बारी उद्यम लाना। · गैर-मनुक्खी उद्यम दे मामले च, 51 फीसद शेयरधारिता च नियंत्रक हिस्सेदारी अनुसूचित जाति/अनुसूचित जनजाति जां महिला उद्यमी दे कौल होनी चाहिदी। · दुहारकर्ता कुसै बैंक/माली संस्था दे प्रति डिफाल्टर नेईं होए। दरखास्त कि’यां करचै आनलाइन दरखास्त करने लेई उद्यममित्तर पोर्टल दिक्खो जोगता हासल लाभार्थी अपने प्रमुख जि’ला प्रबंधक दे राहें गै दरखास्त करी सकदे न। होर मती जानकारी लेई क्लिक करो https://www.standupmitra.in/