लाडली लक्ष्मी योजना परिचे कुड़ियें प्रति लोकें च सकारात्मक सोच ते उं’दे लिंग च अनुपात च सुधार लेई मध्यप्रदेश सरकार ने लाडली लक्ष्मी योजना दी शुरुआत कीती। एह् योजना 01 अप्रैल, 2007 गी शुरू कीती गेई। एह्दे बाद 6 होर राज्यें बी इस योजना गी अपने उत्थै लागू कीता। इस योजना दा उद्देश लोकें च कुड़ियें प्रति हिरख, उं’दी पढ़ाई ते सेह्त दी स्थिति च सुधार करना ऐ। थ्होने आह्ले लाह् · लाडली लक्ष्मी योजना दे तैह्त सरकार आह्ली भेठा दा कुड़ी दे जन्म थमां (रजिस्ट्रेशन) अगले पंज ब’रें तगर हर ब’रे 6000 रपेऽ ओह्दे नाऽ कन्नै जमा कीते जंदे न। इस स्कीम दे तैह्त सरकार हर ब’रे 6000 रपेऽ दे राश्ट्री बचत पत्तर (NSC) खरीददी ऐ ते इसी समें-समें पर रिन्यू करदी ऐ। · कुल मलाइयै 30,000 रपेऽ कुड़ी दे नाऽ कन्नै जमा कीते जंदे न। कुड़ी गी 6मीं जमातै च दाखल होने दे बेल्लै 2000 रपेऽ ते 9मीं जमातै च दाखल होने दे बेल्लै 4000 रपेऽ दा भुगतान कीता जंदा ऐ। · 11मीं जमातै च दाखल होने दे बेल्लै उसी 7500 रपेऽ हासल होङन, जिसलै कुड़ी दी बरेस 21 ब’रे होई जाह्ग तां उसी 1 लक्ख रपेऽ थमां मती रकम दा भुगतान कीता जाह्ग। जोगता · जिं’दे माता-पिता उस प्रदेश दे मूल बसनीक होन जित्थै एह् योजना लागू ऐ ते ओह् टैक्स दे दायरे थमां हार होन। · कुड़ी दे किस्से च दरखास्त करने थमां पैह्लें मां जां पिता ने परिवार नियोजन अपनाई लेदा होए। · इस योजना दा लाह् हासल करने लेई, जन्म दे पैहरे ब’रे च कुड़ी दा रजिस्ट्रेशन करोआना जरूरी ऐ। · एह् रकम अदूं गै जारी कीती जंदी ऐ जिसलै कुड़ी दा ब्याह् 18 ब’रें थमां घट्ट दी बरेस च नेईं होए दा होए। · एह् लाह् द’ऊं कुड़ियें गी थ्होंदा ऐ; पर जेकर दो जुटड़ा भैनां न तां त्री कुड़ी गी बी एह्दा लाह् थ्होग। · लाडली लक्ष्मी योजना च सिर्फ गरीबी रेखा दे हेठ गुजर-बसर करने आह्ले लोक गै अपना रजिस्ट्रेशन करोआई सकदे न। · जेकर कुसै परिवार न औलाद गोद लैती दी ऐ, तां ओह् बी इस योजना च दरखास्त करी सकदे न। · जि’नें माता-पिता ने द’ऊं जींदा बच्चें दे बाद इक कुड़ी गी गोद लैता ऐ, उ’नेंगी लाडली लक्ष्मी योजना दा लाह् थ्होग। उ’नेंगी इक आंगनवाड़ी केंदर च रजिस्टर्ड होना जरूरी ऐ ते माता-पिता टैक्स दा भुगातन नेईं करदे होन। दरखास्त कि'यां करचै प्रदेश सरकारें आसेआ लाडली लक्ष्मी योजना लेई अधिकारक वेबसाइट जारी कीती दियां न जां प्रदेश सरकार दी मुक्ख वेबसाइट पर जाइयै एह्दे लेई दरखास्त कीती जाई सकदी ऐ। दरखास्ती उत्थै दरखास्त करी सकदा ऐ, जेकर दरखास्ती, आनलाइन दरखास्त नेईं करना चांहदा ऐ तां आंगनवाड़ी वर्कर जां अपने शैह्र दी नगर पालिका, नगर निगम जां नगर पंचैत च बी राबता करी सकदा ऐ। होर मती जानकारी लेई इत्थै क्लिक करो।