सुकन्या समृद्धि योजना सुकन्या समृद्धि योजना कुड़ियें लेई इक लौह्की चेची जमा योजना ऐ, जिसी ‘बेटी बचाओ बेटी पढ़ाओ’ अभियान दे इक हिस्से दे रूप च शुरू कीता गेआ। इस योजना दे अंतर्गत कुड़ी दे नाऽ पर जमा कीती जाने आह्ली रकम पर सन्हाकड़ा ब्याज हासल होंदा ऐ ते इस रकम पर टैक्स छूट थ्होंदी ऐ। मेयाद पुग्गने दा समां पूरा होने पर एह् रकम कुड़ी गी हासल होंदी ऐ। लाह् · जमां पर ब्याज दर: 8.40 % (1 अक्तूबर थमां लागू)। माह्बार ब्याज भुगतान दे विकल्प कन्नै हर ब’रे जमा रकम दे पूरे ज्हार पर कट्ठे ब्याज दी गिनती कीती जाह्ग। · जि’यां कि आईटी ऐक्ट, 1961 दी धारा 80सी दी तैह्त इस योजना दे अंतर्गत थ्होने आह्ला लाह् त्रै-स्तरी छूट तगर बधाया गेआ ऐ जानि निवेश कीती गेई रकम, ब्याज दे रूप च हासल रकम ते कड्ढी गेई रकम पर कोई टैक्स नेईं लग्गग। जोगता · 2 ब’रे थमां लेइयै 10 ब’रे दी बरेस दी कुड़ियें दे माता-पिता जां कनूनी सरप्रस्त (गोद लैती कुड़ी सनें) उं’दे नाऽ पर खाता खोली सकदे न। त्र’ऊं कुड़ियें, जेकर दू’ऐ जन्म दे रूप च जुटड़ा कुड़ियें दे मामलें च जां पैह्ले जन्म च गै त्र’ऊं कुड़ियें दा जन्म होंदा ऐ। · कुड़ी दी नाऽ कन्नै सिर्फ इक्कै खाता खोलेआ जाई सकदा ऐ। · इस खाते च घट्टोघट्ट 250 रपेऽ दी शुरूआती रकम ते ओह्दे बाद 150 दी जर्ब कन्नै इक माली ब’रे च 15,000 रपेऽ दी बद्धोबद्ध रकम जमा कीती जाई सकदी ऐ। · खाता खुलने दी तरीक थमां 15 ब’रे तगर दी बद्धोबद्ध मेयाद रकम कीती जाई सकदी ऐ। खाता खोलने दी तरीक थमां जां खाताधारक दे ब्याह् थमां 21 ब’रे पूरे होने पर, जो बी पैह्ले होए, इस रकम दी मेयाद-पुग्गदी ऐ। · कुड़ी दे जन्म सार्टिफिकेट दी लोड़ होंदी ऐ। कोह्दे कन्नै राबता करना ऐ खाता पोस्ट आफिस ते अख्तेयार हासल बैंकें दी शाखाएं च खोलेआ जाई सकदा ऐ। दरखास्त पत्तर सुकन्या समृद्धि खाता योजना दे दरखास्त पत्तर लेई इत्थै क्लिक करो। योजना दे बारे च होर मती जानकारी लेई इत्थै क्लिक करो।