कोविड-19 कन्नै लड़ने आह्ले हेल्थ वर्करें लेई बीमा योजना योजना दे बारे च 1. इस योजना च केह् शामल ऐ? एह् दुर्घटना बीमा योजना कोविड-19 ते कोविड/19 कन्नै सरबंधत ड्यूटी दे दारन होने आह्ली जन-माल नुकसान गी शामल करदी ऐ। 2. दुर्घटना दी परिभाशा केह् ऐ? बाह्री, प्रतक्ख ते हिंसक साधनें दे कारण अचानक, इत्तफाकी ते बे-लोड़चदे तरीके कन्नै होने आह्ली घटना इक दुर्घटना होंदी ऐ। 3. बीमा रवरेज योजना कदूं शुरू ते खत्म होंदी ऐ? 30 मार्च, 2020 थमां शुरू होने आह्ली इस पालिसी दी मेयाद 360 दिनें लेई ऐ। 4. बीमत माह्नू गी केह् लाह् थ्होंदा ऐ? बीमत माह्नू दे दावेदार गी 50 लक्ख रपेऽ दा भुगतान कीता जाह्ग। जोगता 1. योजना दे तैह्त कुसी शामल कीता गेआ ऐ? · समुदायक हेल्थ वर्कर दे कन्नै ओह् सार्वजनक सेह्त सेवा देने आह्ले शामल कीते गे न जेह्ड़े कोविड-19 दे रोगियें कन्नै सिद्धे राबते च ते दिक्खभाल करै करदे होंदे न ते एह्दे कन्नै उं’दे मतासर होने दा जोखम होई सकदा ऐ। · निजी अस्पताल मलाजम ते रटैर/रजाकार/मकामी शैह्री इदारे/ठेके पर मलाजम/ ध्याड़ीदार/ऐडहाक/राज्य/केंदरी अस्पताल/केंदरी/केंदर शासित प्रदेशें दे खुदमुख्तेयार अस्पतालें, एम्स ते आईएनआई/केंदरी मंत्राल दे अस्तपताल, सफारश कीते दे बाहरी जरिये कन्नै ठेके पर लैते गे मलाजम बी कोविड-19 कन्नै सरबंधत जिम्मेदारियें च शामल कीते जाई सकदे न। 2. कु’न इस योजना च रजाकार होई सकदा ऐ? रजाकार ओह् न जेह्ड़े दिक्खभाल लेई केंदर/राज्य/केंदर शासित प्रदेश सरकार आसेआ अख्तेयार हासल अधिकारी आसेआ अख्तेयारी तौर पर दिक्खभाल लेई प्रमाणत कीते गे होन ते होई सकदा ऐ जे ओह् कोविड-19 कन्नै मतासर रोगी दे सिद्धे राबते च आए होन। 3. कु’न इस योजना दे अंतर्गत निजी वर्कर ऐ? निजी वर्कर ओह् ऐ जेह्ड़ा इक असैंजी दे राहें सार्वजनक ते निजी हेल्थ दिक्खभाल संस्थान/संगठन दोनें कन्नै जुड़े दा ऐ ते दिक्खभाल लेई तैनात/शामल कीता गेआ ऐ ते कोविड-19 रोगी दे सिद्धे राबते च आई सकदा ऐ (एह् संगठन, सेवा संस्था/संगठन आसेआ प्रमाणत तौर पर कम्म लेई सरबंधत कीते गे हे।) 4. क्या हेल्थ वर्करें लेई इय योजना दे अंतर्गत कोई बरेस सीमा ऐ? इस योजना च कोई बरेस सीमा नेईं ऐ। 5. क्या निजी नामजदगी दी लोड़ ऐ? निजी नामजदगी दी लोड़ नेईं ऐ। 6. क्या निजी तौर पर इस योजना च पात्तर होने लेई कुसै प्रीमियम दा भुगतान करना जरूरी ऐ? इस योजना च प्रीमियम दी पूरी रकम भारत सरकार दे सेह्त ते परिवार कल्याण मंत्रालय आसेआ खर्च कीती जा करदी ऐ। 7. क्या लाह् दा दावा करने लेई कोविड-19 दा लैब्रैटरी टेस्ट करोआना जरूरी ऐ? कोविड-19 दे कारण जन हानि दी स्थिति च पाजटिव मेडिकल टेस्ट प्रमाणत करने आह्ली लैब्रैटरी रपोर्ट जरूरी ऐ। हालांके कोविड-19 सरबंधत ड्यूटी दे कारण होने आह्ले जान-माल दी नुकसान च एह्दी लोड़ नेईं ऐ। 8. क्या इस योजना च ईलाज च जां क्वारंटीन दे दरान कीते गे खर्च शामल न? एह्दे च ईलाज जां क्वारंटनी कन्नै सरबंधत कुसै बी किस्म दे खर्च गी शामल नेईं कीता जंदा ऐ। 9. जेकर कुसै माह्नू कोल केई होर निजी दुर्घटना पालिसी जां जीवन बीमा पालिसी ऐ, तां क्या एह् पालिसी ओह्दे दावे कन्नै कुसै चाल्ली सरबंधत ऐ? इस पालिसी दे अंतर्गत शामल लाह्/दावे कुसै बी होर पालसियें पर देय रकम दे थमां बक्खरे न। प्रक्रिया 1. इस योजना दे अंतर्गत लाह् लेई दावा करने लेई जरूरी दस्तावेज? कोविड-19 दे कारण जान-माल दे नुकसान दे मामले च हेठ दित्ते जा करदे दस्तावेजें दी लोड़ होंदी ऐ: · नामजद/दावेदार आसेआ दस्तखत कीते दा ते पूरी चाल्ली भरे दा फार्म · मृतक पंछान सार्टिपिकेट (तसदीकशुदा कापी) · दावेदार पंछान सार्टिफिकेट (तसदीकशुदा कापी) · मृतक ते दावेदार मझाटै रिश्तेदारी दा सबूत (तसदीकशुदा कापी) · कोविड-19 गी प्रमाणत करने आह्ली पाजटिव मेडिकल टेस्ट रपोर्ट (असली जां तसदीकशुदा कापी) · जित्थै मौत होई होए उत्थूं दे अस्पताल आसेआ दित्ता गेआ मौत दा सार ( अस्पताल च मौत होने दी सूरत च (तसदीकशुदा कापी)) · मौत दा सार्टिफिकेट (असली) · सेह्त दिक्खभाल संस्था/संगठन/दफतर आसेआ प्रमाणत करना जे मृतक मलाजम दिक्खभाल करने आह्ले संस्थान कन्नै जुड़े दा हा ते मरीजें दी दिक्खभाल लेई नियुक्त कीता गेआ हा ते होई सकदा ऐ कोविड-19 दे रोगी दे सिद्धे राबते च आया होए। समुदायक सेह्त दिक्खभाल वर्कर लेई, सार्टिफिकेट प्राइमरी हेल्थ सेंटर (PHC) दे मेडिकल अफसर आसेआ जारी कीता गेआ होए ते तसदीक करदा होए जे आशा/आशा फैसिलिटेटर कोविड-19 कन्नै सरबंधत कारज लेई तैनात कीता गेआ हा। कोविड-19 कन्नै सरबंधत स्थिति च जानमाल दे नुकसान होने पर दित्ते जा करदे दस्तावेजें दी लोड़ होंदी ऐ: · नामजद/दावेदार आसेआ दस्तखत कीते दा ते पूरी चाल्ली भरे दा फार्म · मृतक पंछान सार्टिपिकेट (तसदीकशुदा कापी) · दावेदार पंछान सार्टिफिकेट (तसदीकशुदा कापी) · मृतक ते दावेदार मझाटै रिश्तेदारी दा सबूत (तसदीकशुदा कापी) · जित्थै मौत होई होए उत्थूं दे अस्पताल आसेआ दित्ता गेआ मौत दा सार ( अस्पताल च मौत होने दी सूरत च (तसदीकशुदा कापी)) · मौत दा सार्टिफिकेट (तसदीकशुदा कापी) · मौत दा सार्टिफिकेट (असली) · पोस्टमार्टम रपोर्ट (तसदीकशुदा कापी) · रद्द चेक (लोड़चदा) · एफआईआर (तसदीकशुदा कापी) · सेह्त दिक्खभाल संस्था/संगठन/दफतर आसेआ प्रमाणत करना जे मृतक मलाजम दिक्खभाल करने आह्ले संस्थान कन्नै जुड़े दा हा ते मरीजें दी दिक्खभाल लेई नियुक्त कीता गेआ हा ते होई सकदा ऐ कोविड-19 दे कारण इत्तफाकी मौत होई। 2. कुसै बी मामले च कोह्दे कन्नै राबता करचै? बीमत माह्नू गी कम्म करै करदी संस्था/विभाग च सूचत करना चाहिदा। बीमा कंपनी गी ईमेल आईडी nia.312000@newindia.co.in पर सूचत कीता जाई सकदा ऐ। 3. दावा पेश करने दी प्रक्रिया केह् ऐ? नरधारत तरीके कन्नै दावेदार गी लोड़चदे दस्तावेजें कन्नै दावा फार्म भरना ऐ ते मृतक जित्थै कम्म करै करदा हा उस संस्था/संगठन/दफतर च जमा करना जरूरी ऐ। सरबंधत संस्था आसेआ जरूरी प्रमाणीकरण करने दे बाद माकूल अथार्टी गी अग्गै भेजेआ जाह्ग। इस उद्देश लेई खास रूप कन्नै राज्य/केंदर सरकार आसेआ अख्तेयार हासल राज्य/केंदर शासित प्रदेशें दे माकूल अथार्टी, महानिदेशक हेल्थ सेवां/निदेशक हेल्थ सेवा/निदेशक मेडिकल ऐजूकेशन जां कोई होर अधिकारी होंदे न। केंदर सरकार लेई माकूल अथार्टी केंदरी खुदमुख्तेयार/सार्वजनक खेत्तर दे अस्पताल, एम्स, आईएनआई ते होर केंदरी मंत्रालय दे अस्पतालें लेई निदेशक जां मेडिकल अधीक्षक जां सरबंधत संस्थान दे प्रमुख न। माकूल अथार्टी आसेआ अगड़ा भेजेआ जाह्ग ते अनुमोदन लेई बीमा कंपनी गी दावा पेश कीता जाह्ग। 4. बीमा कंपनी च कोह्दे कन्नै राबता करचै? न्यू इंडिया एश्योरेंस कं.लिं. दे नमीं दिल्ली च स्थित प्रभागीय दफतर सीडीयू 312000। B-401, अंसल चेम्बर्स 1, भीकाजी कामा प्लेस, नमीं दिल्ली -110066 । राबता: -1.श्रीमती सारिका अरोड़ा, मंडल प्रबंधक, ईमेल sarika.arora@newindia.co.in जां nia.312000@newindia.co.in श्री एन.राव, उप प्रबंधक, ईमेल आईडी ravin.rao@newindia.co.in जां niadelbroker20@gmail.com श्री योगेंद्र सिंह तंवर, प्रशासनिक अधिकारी, ईमेल आईडी yogendra.tanwar@newindia.co.in