शैह्री प्रवासियें/गरीबें लेई सस्ते कराये आह्ले रिहाशी घर रिहाश ते शैह्री मामलें दे मंत्रालय (MoHUA) ने प्रधानमंत्री आवास योजना (शैह्री) दी इक उप-योजना दे रूप च शैह्री प्रवासियें/गरीबें लेई सस्ते कराये आह्ले रिहाशी घर (ARHCs) दी शुरूआत कीती ऐ। इस योजना दी घोशना 14 मेई, 2020 गी मानजोग वित्त मंत्री आसेआ कीती गेई ही। लक्षित लाभार्थी ग्राईं खेत्तरें जां लौह्के शैह्रें थमां औने आह्ले ते बेह्तर मौकें दी तपाश च विनिर्माण उद्योगें च कम्म करने आह्ला काम्मा वर्ग दा इक बड्डा हिस्सा जेह्दे च मेहमान सेवा देने आह्ले, सेह्त, घरेलू/तजारती प्रतिश्ठान ते निर्माण जां होर खेत्तर च मजूर, विद्यार्थी बगैरा एआरएचसी दे अंतर्गत लक्षित लाभार्थी होङन। योजना थमां थ्होने आह्ली मदाद 1. मजूदा समें च खा’ल्ली वित्त पोशत रिहाश घर 25 ब’रें दे रियायत समझौते कन्नै एआरएचसी च बदले जाङन। रियायतकर्ता घरें दी मरम्मत/नमीं स्हूलतें दे जुड़ाऽ ते कमरें दी सांभ-सम्हाल ते पानी/सीवर, साफ-सफाई, शिड़क बगैरा जनेह् बुनियादी ढांचे आह्ली स्हूलतें कन्नै उ’नेंगी रिहाशी बनाङन। राज्य/केंदर शासित प्रदेश पारदर्शी बोली दे राहें हासलकर्ताएं दा चुनां करङन। काम्पलेक्स 25 ब’रे बाद यूएलबी गी परतियै नमीं प्रक्रिया गी शुरू करने जां आपूं जारी रक्खने लेई बापस कीते जाङन। 2. चेची हौसला-हफजाई बरतून करने दी इजाजत लेई, 50 फीसद बाद्धू एफएआर/एफएसआई, तरजीही खेत्तर गी रियायती दर पर लोन, टैक्स च राह्त बगैरा कन्नै किफायती घर दित्ते जाङन। निजी/सार्वजनक संस्थाएं गी 25 ब’रे लेई अपनी दस्तयाब खाल्ली जमीन पर एआरएचसी विकसत करने दा प्रस्ताव दित्ता जाह्ग।