राजश्री योजना धियां घरै दियां लक्ष्मी न, पर केईं कारणें कन्नै कुड़ियें दी जन्म दर घट्ट रेही ऐ। कुड़ियें दे जन्म पर हौसला-हफजाई देने, उ’नेंगी पढ़ाने ते मजबूत करने लेई सरकार ने 1 जून 2016 थमां मुक्खमंत्री राजश्री योजना राज्य च शुरू कीती ऐ। इस योजना दा उद्देश ऐ जे कुड़ियें दी जन्म दर बधै, कुड़ियें गी चंगी परवरिश थ्होए ते कुड़ियां बी पढ़ी-लिखियै अग्गै बधन। बक्ख-बक्ख गेड़ें च कुड़ियें दे सरप्रस्तें गी माली मदाद कुड़ी दे जन्म थमां लेइयै 12मीं जमातै तगर कुड़ी दी पढ़ाई, सेह्त दिक्खभाल लेई सरप्रस्त गी 50,000 रपेऽ तगर दी माली मदाद दित्ती जंदी ऐ। एह् रकम हेठ दित्ते गे गेड़ें च दित्ती जंदी ऐ:- · कुड़ी दे जन्म बेल्लै 2500 रपेऽ · पैह्ले ब’रे दा टीकाकरण होने पर 2500 रपेऽ · पैह्ली जमातै च दाखला लैने पर 4000 रपेऽ · 6मीं जमातै च दाखला लैने पर 5000 रपेऽ · 10मीं जमातै च दाखला लैने पर 11000 रपेऽ · 12मीं जमात पास करने पर 25000 रपेऽ योजना दा लाह् हासल करने दी जोगता राजश्री योजना दियां पैह्लियां दो किस्तां उ’नें सभनें कुड़ियें गी थ्होङन जिं’दा जन्म कुसै सरकारी अस्पताल जां जननी सुरक्षा योजना (जे. एस. वाई.) थमां रजिसटर्ड निजी अस्पतालें च होए दा ऐ। एह् दोए किस्तां उं’दे सरप्रस्तें गी अदूं बी थ्होङन जिं’दी त्री संतान कुड़ी होए, पर योजना दी अगली किस्तें दा लाह् उ’नेंगी नेईं थ्होग। हून राजश्री योजना दा लाह् लाभार्थी गी सिद्धे अपने बैंक खाते च थ्होए, एह्दे लेई भामाशाह् कार्ड कन्नै योजना गी जोड़ेआ गेआ ऐ। हून राजश्री योजना दा लाह् स्हूलत कन्नै अपने खाते च हासल करने लेई भामाशाह् कार्ड जरूर बनाओ। योजना दे बारे च मती जानकारी लेई अपने जि’ले च प्रोग्राम अधिकारी, महिला अधिकार जां मुक्ख डाक्टर जां सेह्त अधिकारी कन्नै राबता करो। भामाशाह् दा जरूरी होना · योजना दा लाह् हासल करने लेई लाभार्थी दा भामाशाह् कार्ड होना जरूरी ऐ। · 15 मेई, 2017 दे बाद लाभार्थी दा भामाशाह् कार्ड होने पर भुगतान सिद्धे ओह्दे बैंक खाते च कीता जाह्ग। · लाह् हासल करने लेई गर्भवती महिला जच्चगी थमां पैह्ले जांच/एएनसी जांच दे दरान भामाशाह् कार्ड ते ए.एन.एम/आशा/आंगनवाड़ी वर्कर जां सरकारी अस्पताल च ईलाज करोआऽ। · जि’नें लाभार्थी महिलाएं दा भामाशाह् रजिस्ट्रेशन नेईं होए दा ऐ, ऐसियां महिलां अपने नेड़में ई-मित्तर केंदर थमां भामाशाह् कार्ड बनोआइयै नेड़में आंगनवाड़ी केंदर जां सरकारी अस्पताल च ब्योरा दस्तयाब करोआन। स्रोत : योजनाबंदी मैह्कमा, आर्थक ते सांख्यिक निदेशालय, राजस्थान सरकार