इंदिरा गांधी राश्ट्री बुढ़ापा पेंशन योजना एह् योजना भारत सरकार दे ग्राईं बकास मंत्रालय दे राश्ट्री समाजक मदाद प्रोग्राम (NSAP) दे इक हिस्से दे रूप च लागू कीती गेई ऐ। एह् इक गैर-हिस्सा पाऊ योजना ऐ जेह्दे राहें 60 ब’रे थमां मते बरेस दे नागरकें, जिं’दे कोल औंदन दा कोई होर जरिया नेईं ऐ, गी माह्बार औंदन प्रदान करना ऐ। जोगता · बरेस: 60 ब’रे ते ओह्दे थमां मती · बीपीएल परिवार दी लिस्ट च नाऽ जरूरी ऐ। लाह् राज्य दी सैह्भागी हिस्सेदारी दे अधार पर 600 रपेऽ थमां 1000 रपेऽ दी माह्बार पेंशन दरखास्त कियां करचै · दरखास्ती गी आइजीएनओएपी योजना लेई दरखास्त करने लेई हेठ दित्ते गे गेड़ें गी पूरा करना जरूरी ऐ। · एस योजना लेई दरखास्त करने लेई दरखास्ती गी ग्राईं खेत्तर च ब्लाक डेवेलपमेंट दफतर, शैह्री खेत्तर च इस योजना लेई जि’ला सोशल वेल्फेयर अफसर कन्नै मिलना चाहिदा। अपने खेत्तर दे सोशल वेल्फेयर दफतर जाओ ते दरखास्त पत्तर हासल करो। दरखास्त पत्तर भरदे बेल्लै मनासब ब्योरा देओ। दरखास्त पत्तर च हेठ दित्ते जा करदे खेत्तर शामल न: · राज्य/जि’ला/ब्लाक · खेत्तर दा नाऽ · लाभार्थी दा नाऽ · बारस दा नाऽ · मकान नंबर · लिंग · बरेस ब’रें च · जन्म तरीक · जन्म सार्टिफिकेट · सलाना औंदन ते सार्टिफिकेट/बीपीएव कार्ड · मूल बसनीक सार्टिफिकेट · सार्टिफिकेट जारी होने दी तरीक · ईपीआईसी नंबर बीपीएल कार्ड, फोटो, आधार नंबर, बैंक पास बुक, बरेस सार्टिफिकेट जरूरी दस्तावेजें च शामल न। पूरी चाल्ली भरे दे फार्म कन्नै जरूरी दस्तावेज नत्थी करियै सोशल वेल्फेयर अफसर कोल जमा करोआना जरूरी ऐ। दरखास्त दी जांच ते तसदीक सोशल वेल्फेयर अफसर आसेआ कीती जाह्ग। सोशल वेल्फेयर मैह्कमें आसेआ जि’ला सोशल वेल्फेयर अफसर गी लाभार्थियें दी सफारश करग। जेकर तसदीक दी प्रक्रिया पूरी ऐ ते फार्म गी जि’ला सोशल वेल्फेयर अफसर आसेआ मंजूरी देई दित्ती गेई ऐ फ्ही जि’ला स्तरी मंजूरी कमेटी आसेआ इसी अखीरी मंजूरी दित्ती जाह्ग। दरखास्त दी नमूना कापी